*🎗ಪ್ರವಾದಿ ಸಂದೇಶ🎗*
🎾🎾🎾🎾🎾🎾🎾🎾🎾🎾🎾🎾  *ದಾಂಪತ್ಯ ಜೀವನದ*       🎾🎾🎾🏡🏡 🏡     *ಯಶಸ್ವಿನ ಮೆಟ್ಟಿಲು*     🏡🏡🏡🏡🏡🏡🏡🏡🏡🏡🏡🏡

*﷽*

*ಸಂಚಿಕೆ* 1⃣

      ನಿಶ್ಚಿತ ಸಮಯವಾಗುವಾಗ ಪುರುಷರಿಗೆ ಸ್ತ್ರೀಯೂ, ಸ್ತ್ರೀಗೆ ಪುರುಷನೂ ಆಸರೆಯಾಗುವುದು ಅನಿವಾರ್ಯವಾಗಿದೆ. ಸಾಮೂಹಿಕ ಲೈಂಗಿಕ ಸಮಸ್ಯೆಗಳಿಗೆ 'ದಾಂಪತ್ಯ ಬದುಕು'ಅತ್ಯುತ್ತಮ ಪರಿಹಾರವಾಗಿದೆ. ಮನುಷ್ಯ ಜೀವಿಗಳ ಬದುಕಿನ ಅಡಿಪಾಯವೇ 'ಸತಿ - ಪತಿ'ಗಳ ಸಂಪರ್ಕದಿಂದಾಗಿದೆ ಎಂಬುವುದು ನಗ್ನ ಸತ್ಯ. ತಲೆಮಾರುಗಳುಂಟಾಗುವುದು ಈ ಪವಿತ್ರ ಸಂಬಂಧದ ಮೂಲಕವಾಗಿದೆ.
   *ವೈವಾಹಿಕ ಬದುಕಿಗೆ ಪ್ರವೇಶಿಸುವವರು ವೈವಾಹಿಕ ಬದುಕಿನ ಕುರಿತು ಜ್ಞಾನಿಗಳಾಗಿರಬೇಕು. ಕಥೆಗಳಲ್ಲಿ ಅತಿಶಯೋಕ್ತಿಯಾಗಿ ವೈಭವೀಕರಿಸಲ್ಪಟ್ಟ ಬೆಟ್ಟದಷ್ಟಿನ ಕಲ್ಪನೆಗಳು ನಿಜ ದಾಂಪತ್ಯದಲ್ಲಿ ಇರದು. ಸಿನಿಮಾ - ಧಾರವಾಹಿಗಳಲ್ಲಿ ಸುಂದರ ದಾಂಪತ್ಯ ಜೀವನ ನಡೆಸುವವರ ನೈಜ ದಾಂಪತ್ಯ ಬದುಕು ಮೂರಾಬಟ್ಟೆಯಾಗಿರುವುದಕ್ಕೆ ಅನೇಕಾನೇಕ ನಿದರ್ಶನಗಳಿವೆ.*
         ದಾಂಪತ್ಯವೆಂಬುವುದು ಸುಖ-ದುಃಖಗಳ ಸಂಗಮ ಕ್ಷೇತ್ರ. ಎರಡು ವ್ಯಕ್ತಿಗಳು ಬೆರೆಯಬೇಕಾದ ಆ ಬದುಕಿನಲ್ಲಿ ಚಿಲ್ಲರೆ ಸಮಸ್ಯೆಗಳು ಇರುವುದು ಸರ್ವೇಸಾಮಾನ್ಯ. ಚಿಕ್ಕ ಪುಟ್ಟ ವಿಷಯಗಳಲ್ಲಿ (ಈಮಾನಿಗೆ ಸಂಬಂಧಪಡದ) ಹಠಮಾರಿತನ ತೋರದೇ ಪರಸ್ಪರ ಕ್ಷಮಿಸುವುದು ಅನಿವಾರ್ಯ. 'ಅಧಿಕಾರ'ಮಿಶ್ರಿತ ಧ್ವನಿಯೂ ಎರಡು ಕಡೆಯಿಂದಲೂ ಇರಕೂಡದು. ಕ್ಷಮಾಪಣೆ ಹಾಗೂ ಪರಸ್ಪರ ಮನಬಿಚ್ಚಿ ಮಾತನಾಡುವುದರಿಂದ ಬಹುತೇಕ ಸಮಸ್ಯೆಗಳಿಗೂ ಪರಿಹಾರ ಉಂಟಾಗುತ್ತದೆ. ಕ್ಷುಲ್ಲಕ ಕಾರಣಕ್ಕಾಗಿ ಪವಿತ್ರ ಬಂಧಕ್ಕೆ ಕಳಂಕ ಉಂಟುಮಾಡಬಾರದು. ಟೈಲರ್ ನ ಬಳಿಯಿರುವ ಸೂಜಿ ಹಾಗೂ ಕತ್ತರಿಯನ್ನು ಉದಾಹರಣೆಗೆ ತೆಗೆದುಕೊಳ್ಳೋಣ. ಅವೆರಡೂ ಪರಸ್ಪರ ವಿರುದ್ಧ ದಿಕ್ಕಿಗೆ ಮುಖ ಮಾಡಿ ನಿಂತಿದೆ. ಕತ್ತರಿಯೂ ವಸ್ತ್ರವನ್ನು ಕತ್ತರಿಸುತ್ತದೆ. ಸೂಜಿಯೂ ಕತ್ತರಿಸಲ್ಪಟ್ಟ ವಸ್ತ್ರವನ್ನು ಜೋಡಿಸುತ್ತದೆ.
ಸತಿ-ಪತಿಯರೂ ಸೂಜಿಯಂತೆ 'ಜೋಡಿಸುವವರು' ಆಗಬೇಕೇ ಹೊರತು ಕತ್ತರಿಯಂತೆ ತುಂಡರಿಸುವವರಾಗಬಾರದು.

*{ಮುಂದುವರೆಯುವುದು}*