*ಖುರ್'ಆನ್ ಪ್ರಯೋಗಿಕ ಜೀವನದಲ್ಲಿ* ಭಾಗ= 03

*ಖುರ್' ಆನ್ ಪ್ರಾಯೋಗಿಕ ಜೀವನದಲ್ಲಿ*

ಭಾಗ --3
_______________________________
📝 ಮುನೀರ್ ಸಖಾಫಿ , ಸಾಲೆತ್ತೂರು.

*2.ಅಲ್ ಬಖರ*

*ಸೂಕ್ತಗಳು* 286.

ಪವಿತ್ರ ಖುರ್'ಆನಿನಲ್ಲಿ ಅತೀ ದೊಡ್ಡ ಅಧ್ಯಾಯವಾಗಿದೆ ಅಲ್ ಬಖರ.

*ಹೆಸರುಗಳು:* ಅಲ್ ಫುಸ್ತಾತ್ವ್,
ಫುಸ್ತಾತ್ವುಲ್ ಖುರ್'ಆನ್,
ಝಹ್ರಾಹ್,
ಸಿನಾಮುಲ್ ಖುರ್'ಆನ್ ಎಂಬೀ ಹೆಸರುಗಳು ಪ್ರಸ್ತುತ ಸೂರತ್ ಗೆ ಇದೆ.ಪ್ರವಾದೀ ಮೂಸಾ ಅಲೈಹಿಸ್ಸಲಾಮ್ ರವರ ಅನುಯಾಯಿಗಳ ಒಂದು ಘಟನೆಯೆಯಲ್ಲಿ ಹಸುವನ್ನು ದ್ಸಬಹ್ ಮಾಡಲ್ಪಟ್ಟ ಚರಿತ್ರೆ ಈ ಸೂರತ್ ನಲ್ಲಿರುವುದರಿಂದ  ಅಲ್ ಬಖರ ಎಂಬ ಹೆಸರು ಈ ಸೂರತ್ ಗೆ ಬಂದಿದೆ.

*ಮಹತ್ವ:*

ಅಲ್ ಬಖರ ಸೂರತ್ ನ ಮಹತ್ವವ್ವನ್ನು ವಿವರಿಸುವ ಹಲವಾರು ಹದೀಸುಗಳು ಇವೆ.
ಪ್ರವಾದೀ ಸಲ್ಲಲ್ಲಾಹು ಹೇಳುತ್ತಾರೆ,ನೀವು ಅಲ್ ಬಖರ ಸೂರತ್ ಪಾರಾಯಣ ಮಾಡಿರಿ.ಕಾರಣ ಅದನ್ನು ಬಿಗಿಹಿಡಿದವನಿಗೆ ಬರ್ಕತ್ ಲಭಿಸುವುದು ಮತ್ತು ಅದನ್ನು ತ್ಯಜಿಸುವುದು ನಷ್ಟವನ್ನು ಸೃಷ್ಠಿಸುವಂತದ್ದೂ ಆಗಿದೆ.  ಸಿಹ್ರ್ ಮಾಡುವವರ  ಶಕ್ತಿಯನ್ನು ದುರ್ಬಲಗೊಳಿಸಲು ಅಲ್ ಬಖರ ಸೂರತ್ ಗೆ ಶಕ್ತಿ ಇದೆ.(ಮುಸ್ಲಿಂ)

ಅಲ್ ಬಖರ ಪಾರಾಯಣ ಮಾಡುವ ಮನೆಯಿಂದ ಶೈತಾನ್ (ಪಿಶಾಚಿ)ಓಡುತ್ತದೆ.(ಮುಸ್ಲಿಂ,ತುರ್ಮುದ್ಸಿ)

ಅಲ್ ಬಖರ ಖುರ್'ಆನಿನ ಪ್ರಮುಖ ಸೂರತ್ ಆಗಿದೆ.ರಾತ್ರಿ,ಹಗಲು ಅದನ್ನು ಪಾರಯಣ ನಡೆಸುವವರಿಗೆ 3 ದಿವಸ ಶೈತಾನ್ ನ್ನು ಅವನಿಂದ ದೂರವಿರಿಸಲಾಗುವುದು.(ಇಬ್ನ್ ಹಿಬ್ಬಾನ್)

ಅಲ್ ಬಖರ ಪಾರಾಯಣ ತಿಳಿದವರಿಗೆ ಪ್ರವಾದೀ ಸಲ್ಲಲ್ಲಾಹು ಅಲೈಹಿವಸಲ್ಲಮರು ಪ್ರತ್ಯೇಕ  ಗೌರವ ನೀಡುತ್ತಿದ್ದದ್ದಾಗಿ ಇಮಾಮ್ ತುರ್ಮುದ್ಸಿ ರಿಪೋರ್ಟ್ ಮಾಡಿದ ಹದೀಸಿನಲ್ಲಿದೆ.
_________
_____________________

_ಬಾಕಿ ಮುಂದಿನ ಭಾಗದಲ್ಲಿ...._