ನಿಮ್ಮ ಮನೆಯಲ್ಲಿ ಸಂತೋಷ ಬೇಕೇ? 40 ಸೂತ್ರಗಳು ಪಾಲಿಸಿ. ಭಾಗ 15

*ನಿಮ್ಮ ಮನೆಯಲ್ಲಿ ಸಂತೋಷ ಬೇಕೆ?*
*40 ಸೂತ್ರಗಳು ಪಾಲಿಸಿ*
••••••••••••••••••••••••••••••••••••••••••
  ಭಾಗ --15

📝 _ಮುನೀರ್ ಸಖಾಫಿ ಸಾಲೆತ್ತೂರು_

_*ಸೂತ್ರ  14:*_
 *ಮನೆಯಲ್ಲಿ ನಮಾಝ್ ಮಾಡಿರಿ*

ಇದು ನಾನು ಬರೆಯಬೇಕಾದರೆ ಲಾಕ್'ಡೌನ್ ನಾಲ್ಕನೇ ಹಂತದಲ್ಲಿದೆ.
ಮನೆಯಲ್ಲೇ ಇರಿ, ಸುರಕ್ಷಿತರಾಗಿರಿ ಎಂಬ ಸರಕಾರದ ಆಜ್ಞೆಯೊಂದಿಗೆ ಸಹಕರಿಸುತ್ತಾ 10 ನೇ ಶುಕ್ರವಾರವೂ ಜುಮಾ ನಮಾಝ್ ಇಲ್ಲದೆ ಮನೆಯಲ್ಲೇ ಎಲ್ಲಾ ಪ್ರಾರ್ಥನೆಗಳನ್ನು ನಿರ್ವಹಿಸುತ್ತಾ ಬಂದಿದ್ದೇವೆ.

ಇಲ್ಲಿ ನಾನು ಬರೆಯಲುದ್ದೇಶಿಸುವುದು ಅದಲ್ಲ.
ಪುರುಷರು ಫರ್ಳ್ ನಮಾಝ್ ಮಸೀದಿಯಲ್ಲಿ ನಿರ್ವಹಿಸಬೇಕು.ಸುನ್ನತ್ ನಮಾಝ್ ಗಳನ್ನು ಮನೆಯಲ್ಲೂ ನಿರ್ವಹಿಸಬೇಕು.ಮಹಿಳೆಯರ ಎಲ್ಲಾ ನಮಾಝ್ ಗಳು ಮನೆಯಲ್ಲೇ ಆಗಿರಬೇಕು.
ಇಮಾಮ್ ಬುಖಾರಿ ಮತ್ತು ಮುಸ್ಲಿಂ ವರದಿ ಮಾಡಿದ ಹದೀಸ್ ನೋಡಿ,
عَنْ زيدِ بنِ ثابتِ أَنَّ النَّبيَّ ﷺ قالَ: صلُّوا أَيُّها النَّاسُ فِي بُيُوتِكُمْ، فَإنَّ أفضلَ الصَّلاةِ صلاةُ المَرْءِ في بَيْتِهِ إِلاَّ المكْتُوبَةَ
(بخاري ,مسلم)
ಓ ಜನರೇ!ನೀವು ನಿಮ್ಮ ಮನೆಗಳಲ್ಲಿಯೇ ನಮಾಝ್ ನಿರ್ವಹಿಸಿ.ಫರ್ಳೇತರ ನಮಾಝ್ ಗಳು ಉತ್ತಮವಾದದ್ದು ಮನೆಯಲ್ಲೇ ಆಗಿರುತ್ತದೆ.
(ಬುಖಾರಿ,ಮುಸ್ಲಿಂ)

ಸುನ್ನತ್ ನಮಾಜುಗಳು ಹಲವಾರು ಇದೆ.ಮೇಲಿನ ಹದೀಸಿನ ಉದ್ದೇಶ ಫರ್ಳ್ ನಮಾಝ್'ಗಳ ಮುಂಚೆ ಮತ್ತು ನಂತರವಿರುವ ರವಾತಿಬ್ ನಮಾಝ್'ಗಳು ಮನೆಯಲ್ಲಿ ನಿರ್ವಹಿಸುವುದಾಗಿದೆ.ಸುನ್ನತ್ ಗಳ ನಮಾಜಿನ ಪೈಕಿ ತಹಿಯ್ಯತ್ ಎಂಬ ನಮಾಝ್ ಇದೆ.ಮಸೀದಿಯೊಳಗೆ ಪ್ರವೇಶಿಸಿದವನು ನಿರ್ವಹಿಸುವ ನಮಾಝಾಗಿದೆ ಅದು.ಅದು ಮಸೀದಿಯಲ್ಲೇ ನಿರ್ವಹಿಸಬೇಕು.
ಜಮಾಅತ್ ಆಗಿ ಸುನ್ನತ್ ಇರುವ ಸುನ್ನತ್ ನಮಾಝ್ ಗಳನ್ನು ಮಸೀದಿಯಲ್ಲಿ ನಿರ್ವಹಿಸುವುದು ಉತ್ತಮವಾಗಿದೆ.
ಜಮಾಅತ್ ಸುನ್ನತ್ ಇಲ್ಲದ ಸುನ್ನತ್ ನಮಾಜುಗಳನ್ನು ಮನೆಯಲ್ಲಿ ನಿರ್ವಹಿಸುವುದು ಉತ್ತಮವೆಂದು  ಇಮಾಮ್ ಇಬ್ನ್ ಹಜರ್ (ರ)ರವರ ಹೇಳಿಕೆಯನ್ನು ಹಲವಾರು ಇಮಾಮರು ಉಲ್ಲೆಖಿಸಿದ್ದಾರೆ.
-------------------------------------------------------
ಇನ್ನೊಂದು ಹದೀಸ್ ನೋಡಿ,
عَنْ أُمِّ سَلَمَةَ رَضِيَ اللهُ عَنْهَا: عَنْ رَسُولِ - صلى الله عليه وسلم - أَنَّهُ قَالَ: خَيرُ مَسَاجِدِ النِّسَاءِ قَعرُ بُيُوتِهِنَّ.(احمد)
ಉಮ್ಮು ಸಲಮ (ರ)ಹೇಳುತ್ತಾರೆ,ಪ್ರವಾದೀ ಸಲ್ಲಲ್ಲಾಹು ಅಲೈಹಿವಸಲ್ಲಮರು ಹೇಳುತ್ತಾರೆ,
ಸ್ತ್ರೀಯರಿಗೆ ನಮಾಜಿಗೆ ಉತ್ತಮ ಅವರ ಮನೆಯೊಳಗಿರುವ ಕೋಣೆಯಲ್ಲಾಗಿದೆ.
(ವರದಿ ಇಮಾಮ್ ಅಹ್ಮದ್ 25331)

ಉಮ್ಮು ಸಲಮ ಬೀವಿ ಪ್ರವಾದೀ ವರ್ಯರ ಪತ್ನಿಯಾಗಿರುವರು.
 ಇತರ ಮಹಿಳೆಯರಿಗಿಂತ ಪ್ರವಾದೀ ಚರ್ಯೆ ತಿಳಿದಿರುವುದು ಪ್ರವಾದೀ ಪತ್ನಿಯರಿಗಾಗಿದೆ.
ಮಹಿಳೆಯರು ಮಸೀದಿಗೆ ತೆರಳುವುದಲ್ಲಿ ಯಾವುದಾದರೊಂದು ಪುಣ್ಯವಿರುತ್ತಿದ್ದಲ್ಲಿ ಪ್ರವಾದೀ ವರ್ಯರ ಪತ್ನಿಯರು ಮತ್ತು ಮಕ್ಕಳು ಮಸೀದಿಗೆ ತೆರಳುತ್ತಿದ್ದರು.ಅವರು ಯಾರೂ ಕೂಡಾ ಮಸೀದಿಗೆ ನಮಾಝಿಗೆ ತೆರಳಿಲ್ಲವೆಂದು ಇಮಾಮ್ ಶಾಫೀಈ (ರ)ಹೇಳಿದ್ದು ಎಲ್ಲರಿಗೂ ತಿಳಿದಿರುವ ವಿಚಾರ.

ಸ್ತ್ರೀಯರ ಮಸೀದಿಯಲ್ಲಿನ ಜುಮಾ- ಜಮಾಅತ್ ನ ಬಗ್ಗೆ ಇನ್ನಷ್ಟು ತಿಳಿಯಲು ನಾನು ಬರೆದ
*ಸ್ತ್ರೀ ಜುಮುಅ -ಜಮಾಅತ್ ಮಸೀದಿಯಲ್ಲಿ*
ಮತ್ತು
 *ಬೀವಿ ಆತಿಕ(ರ)* ಎಂಬ 2 ಲೇಖನವನ್ನು ಓದಿರಿ.
ಅದರ ಲಿಂಕ್ ಈ ಕೆಳಗೆ ಇದೆ.
👇
ಸ್ತ್ರೀ ಜುಮುಅ -ಜಮಾಅತ್ ಮಸೀದಿಯಲ್ಲಿ
http://gafoorbayar786.blogspot.com/2018/10/1_21.html?m=1

ಬೀವಿ ಆತಿಕ(ರ)
👇
http://sunniislamik.blogspot.com/2017/09/blog-post_16.html?m=1
--------------------------------------------------------

ಒಟ್ಟಿನಲ್ಲಿ ನಮ್ಮ ಮನೆಗಳಲ್ಲಿ ಧಾರಾಳವಾಗಿ ಸುನ್ನತ್ ನಮಾಜ್'ಗಳು ನಡೆಯಬೇಕು.
ನಮಾಝಿನ ಬರ್ಕತ್'ನಿಂದ ನಮ್ಮ ಮನೆಗಳಲ್ಲಿ ನೆಮ್ಮದಿ ಮತ್ತು ಸಂತೋಷ ಲಭಿಸುತ್ತದೆ.



*ಎಲ್ಲರಿಗೂ ಶೇರ್ ಮಾಡಿ*

ತಪ್ಪಿದ್ದರೆ ನನ್ನ ಗಮನಕ್ಕೆ ತನ್ನಿ.
+919902623313
( ವಾಟ್ಸಪ್ ಮಾತ್ರ)


ಮುಂದುವರಿಯುವುದು........