😰🏹🏹⚔⚔⚔🏹🏹 😰
😰 ​ *ಕಣ್ಣೀರ ಕಡಲಾದ ಕರ್ಬಲ*​ 😰
😰 🗡   ​ *ಯುದ್ಧ ಚರಿತ್ರೆ​*  🗡   😰
😰😰😰😰😰😰😰😰😰
     👉 ​ *ಭಾಗ* 2⃣7⃣
**********************
*صَـلــُّوا عَـلَـى النَّبِيِّ ﷺ وَآلـِهِ*
 *اللَّهُمَّ صَلِّ عَلَى سَيِّدِنَا مُحَمَّدٍ*
 *وَعَلَى آلِ سَيِّدِنَا مُحَمَّدٍ*
 *وَبَارِكْ وَسَلِّمْ عَلَيْه*
➖➖➖➖➖➖➖➖➖
✍ _ಗಫೂರ್ ಬಾಯಾರ್_
☔☔☔☔☔☔☔☔☔

ಪತಿ ಅಬ್ದುಲ್ಲನ ಮಾತು ಕೇಳಿ ಅಧೀರರಾದ ತುವಾಅ(ರ) ಕಂಬನಿ ಮಿಡಿಯುತ್ತಾ ಹೇಳಿದರು.. ⬇

 ಮುದ್ದು ಮಕ್ಕಳೇ... ಹೀಗಾದೀತೆಂದು ನಾನು ನಿರೀಕ್ಷಿಸಲಿಲ್ಲ. ಆದ್ದರಿಂದ ನನ್ನನ್ನು ಕೊಂದ ಬಳಿಕವೂ ಈ ದುಷ್ಟ ನಿಮ್ಮನ್ನು ಆ ಉಬೈದ್'ನಿಗೆ ಒಪ್ಪಿಸಿದರೆ ಅಹ್ಲ್'ಬೈತಿನ ಕುಡಿಗಳಾದ ನೀವು ನಾಳೆ ಅಲ್ಲಾಹನ ನ್ಯಾಯಾಲಯದಲ್ಲಿ ನಿಮ್ಮ ಈ ತಾಯಿಯ ವಿರುದ್ಧ ಸಾಕ್ಷ್ಯ ಹೇಳದಿರಿ ಮಕ್ಕಳೇ..! ಎನ್ನುತ್ತಾ.. ಮಕ್ಕಳನ್ನು ಬಿಗಿದಪ್ಪಿ ಬಿಕ್ಕಿ ಬಿಕ್ಕಿ ಅಳುತ್ತಾ ಅಬ್ದುಲ್ಲನ ಕಡೆ ತಿರುಗಿ ಕೊನೆಯದಾಗಿಯೆಂಬಂತೆ ತುವಾಅ(ರ) ಹೇಳಿದರು,

*ಪ್ರಿಯರೇ... ಮಕ್ಕಳಿಲ್ಲದ ನಮಗೆ ಅಲ್ಲಾಹನೇ ಕರುಣಿಸಿದ ಸೌಭಾಗ್ಯವಿದೆಂದು ಭಾವಿಸಿ ಈ ಮಕ್ಕಳನ್ನು ನಾವು ಸಂರಕ್ಷಿಸಿ ಪೇೂಷಿಸಿ ಬೆಳೆಸೇೂಣ. ಹಾಗಾಗಿ ದಯವಿಟ್ಟು ಬಿಟ್ಟು ಬಿಡಿ ಎನ್ನುತ್ತಾ ಈಗಲಾದರೂ ಆತನ ಮನ ಕರಗೀತೆಂಬ ಆಶಾಭಾವನೆಯಿಂದ ಆಸೆಗಣ್ಣಿನಿಂದ ಅಂಗಾಲಾಚುತ್ತಾ ಬೇಡಿದರು*

ಆಗ ಮಕ್ಕಳಂತೂ ಭಯದಿಂದ ಬೆದರಿ ಕಂಪಿಸುತ್ತಾ ​ತುವಾಅ(ರ)ರವರ ಹಿಂದೆ ನಿಂತಿದ್ದವು.

ಇಲ್ಲ... ತುವಾಅ(ರ) ಎಷ್ಟು ಪರಿಪರಿಯಾಗಿ ಬೇಡಿದರೂ ಮದ್ಯದ ಅಮಲಿನಲ್ಲಿದ್ದ ಕಟು ಹೃದಯಿಯಾದ ಅಬ್ದುಲ್ಲನ ಮನಸ್ಸು ಕರಗಲೇ ಇಲ್ಲ.

ತುವಾಅ(ರ)ರನ್ನು ತಳ್ಳಿ ಮತ್ತೊಮ್ಮೆ ಮಕ್ಕಳನ್ನು ಎಳೆದೊಯ್ಯಲು ಅಬ್ದುಲ್ಲ ಶ್ರಮಿಸಿದಾಗ ಅಡ್ಡ ನಿಂತ ತುವಾಅ(ರ)ರವರ
ಕೊರಳಿನತ್ತ ಖಡ್ಗವನ್ನು ಬೀಸಿಯೇ ಬಿಟ್ಚ... 🗡

*ಮಕ್ಕಳನ್ನು ಪ್ರೀತಿಯಿಂದ ಸ್ನಾನ ಮಾಡಿಸಿ ಕೈತುತ್ತು ತಿನ್ನಿಸಿ, ಲಾಲಿಸಿ ಮುದ್ದಿಸುತ್ತಾ ತನ್ನ ಕೊನೆಯುಸಿರಿನ ತನಕವೂ ಆ ಮಕ್ಕಳ ಸಂರಕ್ಷಣೆಗಾಗಿ ಅಂಗಾಲಾಚುತ್ತಿದ್ದ ಆ ಮಹಾ ತಾಯಿ ಕೊನೆಗೂ ತನ್ನಿಂದ ಆ ಮಕ್ಕಳನ್ನು ರಕ್ಷಿಸಲಾಗಲಿಲ್ಲವಲ್ಲ ಎಂಬ ಅಸಹಾಯಕತೆಯಿಂದ ಕುಸಿದು ಬಿದ್ದು ಇಹಲೇೂಕದಿಂದ ನಿರ್ಗಮಿಸಿದರು.*
*ಇನ್ನಲಿಲ್ಲಾಹ್.....* 😰

ತಂದೆಯನ್ನು ಕಳೆದುಕೊಂಡು ತಾಯಿಯಿಂದಲೂ ದೂರಾಗಿ ಜೀವ ಭಯದಿಂದ ಕಂಪಿಸುತ್ತಾ ಅಪರಿಚಿತವಾದ ನಾಡಿನಲ್ಲಿ ಪ್ರೀತಿಯಿಂದ ಕಣ್ಣರೆಪ್ಪೆಯಂತೆ ಸಂರಕ್ಷಣೆ ನೀಡಿದ್ದ ಏಕೈಕ ಆಶಾಕಿರಣವಾಗಿದ್ದ ತುವಾಅ(ರ) ಕುಸಿದು ಬೀಳುತ್ತಿದ್ದಂತೆ ಜಂಘಾಬಲವೇ ಉಡುಗಿ ಹೇೂದಂತಾದ ಆ ಮಕ್ಕಳು ಅಸಹಾಯಕತೆಯಿಂದ ಅಳಲಾರಂಭಿಸಿದವು.

ಜೀವನ ಪರ್ಯಂತ ತನ್ನ ಸುಖ, ದುಃಖಗಳಲ್ಲಿ ಒಂದಾಗಿ ದೇಹವೆರಡಾದರೂ ಮನಸೊಂದೇ ಎಂಬಂತೆ ತನ್ನೊಂದಿಗೆ ಬದುಕಿ ಬಾಳ ಬೇಕಾಗಿದ್ದ ಬಾಳ ಸಂಗಾತಿಯನ್ನೇ ತನ್ನ ಹಠ ಸಾಧನೆಗಾಗಿ ಕೊಚ್ಚಿ ಕೊಂದ ಕಟು ಹೃದಯಿಯ ಮುಂದೆ ಆ ಅಮಾಯಕ ಕಂದಮ್ಮಗಳ ಅಸಹಾಯಕತೆ ಮತ್ತು ಮಾನಸಿಕ ತೊಳಲಾಟಕ್ಕೆಲ್ಲಿದೆ ಬೆಲೆ?

ರಕ್ಷಣೆಯ ಕೊನೆಯ ಆಶಾಕಿರಣವೂ ಕೈಬಿಟ್ಟು ಹೇೂದಾಗ ಅಸಹಾಯಕತೆಯಿಂದ ಕಂಗಾಲಾಗಿದ್ದ ಆ ಎರಡು ಮುದ್ದು ಕಂದಮ್ಮಗಳನ್ನು ಎಳೆದೊಯ್ದು ಕಾಡಿನ ನಡುವೆಯಿರುವ ಮರವೊಂದಕ್ಕೆ ಕಟ್ಟಿ ಹಾಕಿ ಹೇೂದ ಅಬ್ದುಲ್ಲ, ಒಂದು ದೊಡ್ಡ ಪಾತ್ರೆಯೊಂದಿಗೆ ಬಂದು
ಆ ಪಾತ್ರೆಯನ್ನು ಅಸಹಾಯಕರಾಗಿದ್ದ ಆ ಮಕ್ಕಳ ಎದುರಿಗಿಟ್ಟು ಹೇಳಿದ...

ಇದನ್ನು ನೋಡಿದಿರಾ...? ಇದು ನಾಳೆಯಿಂದ ನಾನು ಮನಸೇೂ ಇಚ್ಚೆ ಮದ್ಯಪಾನ ಮಾಡಲಿರುವ ಪಾತ್ರೆ. ಅದಕ್ಕಿರುವ ದಾರಿ ನಿಮ್ಮ ಎರಡು ತಲೆಗಳು ಎನ್ನುತ್ತಾ...

ಹನ್ನೊಂದು ವರ್ಷ ಪ್ರಾಯದ ಅಹ್ಲ್'ಬೈತಿನ ಕಂದಮ್ಮವಾದ ಇಬ್ರಾಹಿಂ (ರ)ರನ್ನು ಎಳೆದೊಯ್ದು ಆಗ ಆ ಮಗು ಬೇಡ ಬೇಡ ನನ್ನನ್ನು ಕೊಲ್ಲಬೇಡಿ. ನಮ್ಮನ್ನು ಬಿಟ್ಟು ಬಿಡಿ ಎಂದು ಅಂಗಾಲಾಚಿತು. ಆ ಮಕ್ಕಳ ದೀನ ರೇೂದನಕ್ಕೆ ಕಿವಿಗೊಡದ ಅಬ್ದುಲ್ಲ ಮದ್ಯದ ಆ ಪಾತ್ರೆಗೆ ಆ ಮಗುವಿನ ತಲೆಯನ್ನಿಟ್ಟು...

ಒಂಬತ್ತು ವರ್ಷ ಪ್ರಾಯದ ಮುಹಮ್ಮದ್ (ರ) ಭಯಾತಂಕದಿಂದ ಅಣ್ಣಾ... ಅಣ್ಣಾ.. ಎನ್ನುತ್ತಾ ಅಸಹಾಯಕತೆಯಿಂದ ಅರಚುತ್ತಿರುವಾಗಲೇ ಆ ಮಗುವಿನ ಕಣ್ಮುಂದೆಯೇ ಪ್ರಾಣಿಯನ್ನು ದ್ಸಬಹ್ ಮಾಡುವಂತೆ ಇಬ್ರಾಹಿಂ (ರ)ರವರ ತಲೆ ಕತ್ತರಿಸಿದ.

(ದುನಿಯಾ ಎಂದರೇನೆಂದೇ ಅರಿಯದ ಆ ಮಗುವಿನ ಒಡ ಹುಟ್ಟಿದ ಒಡನಾಡಿಯ ತಲೆಯನ್ನು ಕಣ್ಮುಂದೆಯೇ ಕತ್ತರಿಸುವಾಗ ಆ ಎಳೆ ಹೃದಯ ಅದೆಷ್ಟು ನೊಂದಿರಬಹುದು?)

ನಂತರ ಮುಹಮ್ಮದ್ (ರ)ರವರ ತಲೆಯನ್ನೂ ಕತ್ತರಿಸಿ ಆ ಪಾತ್ರೆಯಲ್ಲಿ ಹಾಕಿಕೊಂಡು  *ದಾರುಲ್ ಇಮಾರ್'* ಗೆ ಹೇೂದ ಅಬ್ದುಲ್ಲ *ನುಅ್'ಮಾನ್ ಇಬ್ನು ಬಶೀರ್ (ರ)* ರನ್ನು ಕರೆದು ಮಕ್ಕಳ ತಲೆಗಳನ್ನು ತೇೂರಿಸುತ್ತಾ ಹೇಳಿದ....

*ಮುಂದುವರಿಯುವುದು*
*ಇನ್ ಷಾ ಅಲ್ಲಾಹ್*
🛡🛡🛡🛡🛡🛡🛡🛡🛡