ನಿಮ್ಮ ಮನೆಯಲ್ಲಿ ಸಂತೋಷ ಬೇಕೇ? 40 ಸೂತ್ರಗಳು ಪಾಲಿಸಿ. ಭಾಗ 04

*ನಿಮ್ಮ ಮನೆಯಲ್ಲಿ ಸಂತೋಷ ಬೇಕೆ?*

*40 ಸೂತ್ರಗಳು ಪಾಲಿಸಿ*

••••••••••••••••••••••••••••••••••••••••••

  ಭಾಗ --4

📝 _ಮುನೀರ್ ಸಖಾಫಿ ಸಾಲೆತ್ತೂರು_

_*ಸೂತ್ರ  3:*_

*ಮನೆಯಲ್ಲೊಂದು ದ್ಸಿಕ್ರ್ ಮಜ್ಲಿಸ್*

ಮಸೀದಿಗಳಲ್ಲಿ ,ಸಂಸ್ಥೆಗಳಲ್ಲಿ ವಾರಕ್ಕೊಮ್ಮೆ ಅಥವಾ ತಿಂಗಳಿಗೊಮ್ಮೆ ಮಜ್ಲಿಸುದ್ಸಿಕ್ರ್ ನಡೆಯುತ್ತದೆ.ಅದರಲ್ಲಿ ಪುರುಷರು ಭಾಗವಹಿಸುತ್ತಾರೆ.ಮಹಿಳೆಯರು ದ್ಸಿಕ್ರ್ ಮಜ್ಲಿಸ್ ಗಳಲ್ಲಿ ಭಾಗವಹಿಸುವುದು ಪ್ರೋತ್ಸಾಹಿಸಲ್ಪಡುವಂತದಲ್ಲ.

ಅತೀ ಶ್ರೇಷ್ಠ ಆರಾಧನೆಯಾದ ಜುಮಾ ಜಮಾಅತ್ ಗೆ ಮಹಿಳೆಯರನ್ನು ಮಸೀದಿಗೆ ತೆರಳಲು ಅವಕಾಶ ನೀಡದ ಇಸ್ಲಾಮ್ ದ್ಸಿಕ್ರ್ ಗೆ ತೆರಳಲು ಅವಕಾಶ ನೀಡಿತೆ? 

ಮಹಿಳೆಯರು ಮನೆ ಬಿಟ್ಟು ಮಜ್ಲಿಸ್ ಗಳಿಗೆ ತೆರಳುವುದು ಒಮ್ಮೆಯೂ ಸಲ್ಲದು.

ಮಹಿಳೆಯರ ಆರಾಧನೆ ಎಲ್ಲವೂ ಅವರ ಮನೆಯೊಳಗೆ ಮಾತ್ರ.

ಪುರುಷರು ಮಸೀದಿಗಳಲ್ಲಿ ದ್ಸಿಕ್ರ್ ಮಜ್ಲಿಸ್'ನಲ್ಲಿ ಹಾಜರಾದರೆ ಮಹಿಳೆಯರಿಗೂ ಆ ಭಾಗ್ಯ ದೊರಕಬೇಕಾದಲ್ಲಿ ಅವರ ಮನೆಯೊಳಗಿರುವ ಕೋಣೆಯಲ್ಲಿ ದ್ಸಿಕ್ರ್ ಗಳ ಮಜ್ಲಿಸ್ ನಡೆಸಬೇಕು.

ಮನೆಯಲ್ಲಿರುವ ಪುರುಷರು ಮತ್ತು ಮಹಿಳೆಯರು ಹಾಗೂ ಮಕ್ಕಳು ಸೇರಿ ಆ ಮಜ್ಲಿಸ್ ಮಾಡಿದರೆ ಬಹಳ ಉತ್ತಮ.

ಅಂತಹಾ ಮನೆ ಸಮೃದ್ಧಿಯ ಮನೆಯೆಂಬುದರಲ್ಲಿ ಸಂಶಯವಿಲ್ಲ.

ಇಮಾಮ್ ಬುಖಾರಿ, ಮುಸ್ಲಿಂ ವರದಿ ಮಾಡಿದ ಹದೀಸ್ ನೋಡಿ

عن أبي موسى الأشعري رضي الله عنه أن رسول الله صلى الله عليه وسلم:مَثَلُ البَيْتِ الذي يُذكَرُ اللهُ فيه، والبيت الذي لا يذكرُ الله فيه مَثَلُ الحيِّ والميِّت.

(بخاري, مسلم)

ಪ್ರವಾದೀ ಸಲ್ಲಲ್ಲಾಹು ಅಲೈಹಿ ವಸಲ್ಲಮರು ಹೇಳಿದರು, ಅಲ್ಲಾಹನಿಗೆ ದ್ಸಿಕ್ರ್ ಹೇಳುವ ಮನೆ ಜೀವಂತವಿರುವವರ ಮನೆಯಂತೆಯೂ ದ್ಸಿಕ್ರ್

 ಹೇಳದ ಮನೆಯು ಮರಣ ಹೊಂದಿದವರ ಮನೆಯಂತೆಯೂ ಆಗಿದೆ.

(ವರದಿ ಬುಖಾರಿ ,ಮುಸ್ಲಿಂ)

--------------------------------------------------------

ಇಸ್ಲಾಮಿಕವಾದ ಎಲ್ಲಾ ಕಾರ್ಯಗಳು ನಡೆಯುವ ಮಜ್ಲಿಸ್'ಗೆ ದ್ಸಿಕ್ರ್ ಮಜ್ಲಿಸ್ ಎನ್ನಬಹುದು.

ಅದರಲ್ಲಿ ಸ್ವಲಾತ್ ಮಜ್ಲಿಸ್,ಖುರ್'ಆನ್ ಪಾರಾಯಣ ಮಜ್ಲಿಸ್,ಮೌಲಿದ್'ನ ಮಜ್ಲಿಸ್,

ಇಲ್ಮ್ ಚರ್ಚೆ ಮಾಡುವ ಮಜ್ಲಿಸ್ ಎಲ್ಲವೂ ಒಳಪಡುತ್ತದೆ.ಅದೆಲ್ಲವೂ ದ್ಸಿಕ್ರ್ ಆಗಿದೆ.

ಒಳಿತುಗಳ ಮಜ್ಲಿಸ್ ಮನೆಯೊಳಗೆ ನಡೆದಲ್ಲಿ ಆ ಮನೆಗೆ ತುಂಬಾ ಬರ್ಕತ್ ಇದೆ.

ಇಂದು ಕೆಲವು ಮನೆಗಳಲ್ಲಿ ಯಾವುದೇ ಪುಣ್ಯದಾಯಕ   ಮಜ್ಲಿಸ್ ಗಳು ನಡೆಯುತ್ತಿಲ್ಲ.

ಗೀಬತ್,ಫಸಾದ್,ಆಟ ವಿನೋದಗಳು,ಸಿನೆಮಾ ಸೀರಿಯಲ್ ಗಳಿಂದ ಶೈತಾನಿಯತ್ ತುಂಬಿ ತುಳುಕುವ ಮನೆಗಳಲ್ಲಿ ಯಾವ ಬರ್ಕತನ್ನು ನಿರೀಕ್ಷಿಸಬೇಕು?

ಪುಟ್ಟ ಮಕ್ಕಳಿಂದ ಹಿಡಿದು ಹಿರಿಯರೂ ಕೂಡಾ ನಿಷಿದ್ಧವಾದ ಸಂಗತಿಗಳಲ್ಲಿ ಮನೆಯೊಳಗೆ ಏರ್ಪಟ್ಟರೆ ನಮ್ಮ ದುಆ ಹೇಗೆ ತಾನೇ ಅಲ್ಲಾಹು ಖಬೂಲ್ ಮಾಡುವನು?

ಮಕ್ಕಳಿಗೆ ಶಾಲಾ ಕಾಲೇಜುಗಳ ರಜೆ ಲಭಿಸಿದ್ದಲ್ಲಿ ತಂದೆ ಮಕ್ಕಳು ಎಲ್ಲರೂ ಸೇರಿ ಲೂಡೊ ಆಟವಾಡುವ ಖೇದಕರ ಸಂಗತಿ ಕೆಲವೊಂದು ಮನೆಯಲ್ಲಿ ಕಾಣಲಾಗುತ್ತದೆ.ಖಂಡಿತಾ ಆ ಮನೆಗೆ ಬರ್ಕತ್ ಇರಲಾರದು.

ಮನೆಯೊಳಗಿಂದ ಪಿಶಾಚಿಗೆ ಇಷ್ಟವಾಗುವ ಎಲ್ಲಾ ಸಂಗತಿಗಳನ್ನು ದೂರ ಮಾಡಿ ಮಜ್ಲಿಸುದ್ಸಿಕ್ರ್ ಆರಂಭಿಸಬೇಕು.

ಅಲ್ಲಾಹನ ಮಲಕುಗಳಿಗೆ ಮನೆಯೊಳಗೆ ಪ್ರವೇಶವಿರಬೇಕು.

ನಿಷಿದ್ಧವಾದ ಕಾರ್ಯಗಳಿಂದ ದೂರ ಸರಿದು ಒಳಿತಿನ ಮಜ್ಲಿಸ್ ಮನೆಯಲ್ಲಿ ಮಾಡುವಿರಾದರೆ ಖಂಡಿತಾ ಆ ಮನೆಗೆ ಮಲಕುಗಳ ಪ್ರವೇಶವಿದೆ.

*ಎಲ್ಲರಿಗೂ ಶೇರ್ ಮಾಡಿ*

*ತಪ್ಪಿದ್ದರೆ ನನ್ನ ಗಮನಕ್ಕೆ ತನ್ನಿ.*

+919902623313

( ವಾಟ್ಸಪ್ ಮಾತ್ರ)

*ಮುಂದುವರಿಯುವುದು........*