ನಿಮ್ಮ ಮನೆಯಲ್ಲಿ ಸಂತೋಷ ಬೇಕೇ? 40 ಸೂತ್ರಗಳು ಪಾಲಿಸಿ. ಭಾಗ 01

*ನಿಮ್ಮ ಮನೆಯಲ್ಲಿ ಸಂತೋಷ ಬೇಕೆ?*
*40 ಸೂತ್ರಗಳು ಪಾಲಿಸಿ*
••••••••••••••••••••••••••••••••••••••••••

📝 _ಮುನೀರ್ ಸಖಾಫಿ ಸಾಲೆತ್ತೂರು_


ಮನೆ ಅಲ್ಲಾಹನ ಅನುಗ್ರಹವಾಗಿದೆ.
ಅಲ್ಲಾಹನು ಹೇಳುತ್ತಾನೆ.
وَاللٰهُ جَعَلَ لَكُمْ مِنْ بُيُوتِكُمْ سَكَنًا
(النحل 80)
ನಿಮ್ಮ ಮನೆಗಳಲ್ಲಿ ಅಲ್ಲಾಹು ನಿಮಗೆ ನೆಮ್ಮದಿ ನೀಡಿದ್ದಾನೆ.
(ಸೂರಾ ಅನ್ನಹ್'ಲ್ 80)

ಇದರ ವ್ಯಾಖ್ಯಾನದಲ್ಲಿ ಇಮಾಮ್ ಅಬುಲ್ಲೈಸ್ (ರ)ಬರೆಯುತ್ತಾರೆ.
 معناه وفقكم لبناء البيوت لسكناكم وقراركم
(بحر العلوم)
ನಿಮ್ಮ ವಾಸಕ್ಕಾಗಿ ಮನೆ ನಿರ್ಮಿಸಲು  ಅಲ್ಲಾಹು ನಿಮಗೆ ತೌಫೀಖ್ ನೀಡಿದ್ದಾನೆ ಎಂದಾಗಿದೆ ಇದರ ಅರ್ಥ.
(ತಫ್ಸೀರು ಬಹ್ರುಲ್ ಉಲೂಮ್)

*ಮನೆ ಯಾಕೆ?*

ಚಿಕ್ಕದಾದರೂ ಚೊಕ್ಕದಾದ ಒಂದು ಮನೆ ಬೇಕು ಅಂತ ಹೇಳುವುದನ್ನು ನಾವು ಕೇಳುತ್ತಾ ಇರುವೆವು.ಮನೆಯ ಮಹತ್ವ ತಿಳಿದುಕೊಳ್ಳಬೇಕಾದರೆ
ಮನೆಯಿಲ್ಲದವನ ಕಷ್ಟ ಅರ್ಥವಾಗಬೇಕು.

ಒಪ್ಪೊತ್ತಿನ ಆಹಾರ ಬೇಯಿಸಲು,ಕುಟುಂಬಸ್ಥರ ಜೊತೆ ಸಂಭ್ರಮಿಸಲು,ಆಯಾಸವಾದಾಗ ವಿಶ್ರಾಂತಿ ಪಡೆಯಲು,ಸುಖ ನಿದ್ರೆ ಮಾಡಲು,ಎಲ್ಲಾ ವಿಪತ್ತುಗಳಿಂದ ರಕ್ಷಣೆ ಹೊಂದಲು ಮನೆ ಅನಿವಾರ್ಯವಾಗಿದೆ.

ಒಂದು ಹದೀಸ್ ನೋಡಿ,
سلامة الرجل من الفتنة ان يلزم بيته (رواه الديلمي)
ಮನೆಯಲ್ಲಿ ಕೂರುವುದು ಸರ್ವ ನಾಶಗಳಿಗೂ ರಕ್ಷಣೆಯಾಗಿದೆ.
(ಇಮಾಮ್ ದೈಲಮೀ ವರದಿ)

ಚಳಿ,ಸೆಖೆ,ಮಳೆ ಮುಂತಾದವುಗಳಿಂದ ರಕ್ಷಣೆಹೊಂದಲು ಮನೆಯನ್ನೇ ನಾವು ಆಶ್ರಯಿಸುತ್ತೇವೆ.
ಸೂರಿಲ್ಲದೆ ಬಸ್ ಸ್ಟಾಂಡ್ ಗಳಲ್ಲಿ ,ರೈಲ್ವೇ ಸ್ಟೇಶನ್ ಗಳಲ್ಲಿ ಮಲಗುವ ಹಲವು ಜನರನ್ನು ನಾವು ಕಂಡಿದ್ದೇವೆ.
ಮನೆಯಿಲ್ಲದವರಿಗೆ ನೆಮ್ಮದಿಯಿಲ್ಲವೆನ್ನುವುದಕ್ಕೆ ಯಾವ ಪುರಾವೆಯೂ ಒದಗಿಸಬೇಕಾದ ಅಗತ್ಯವಿಲ್ಲ.


*ಸತ್ಯವಿಶ್ವಾಸಿಗೆ ಮನೆಯಿಂದ ಏನು ಪ್ರಯೋಜನವಿದೆ?*

1.ತನ್ನ ಮತ್ತು ಕುಟುಂಬಿಕರನ್ನು ನರಕದಿಂದ ಮೋಚಿಸಲು.

2.ಪರಲೋಕದ ವಿಚಾರಣೆ ಸರಳವಾಗಲು.

3.ಆರಾಧನೆಗಳಲ್ಲಿ ಏರ್ಪಡಲು.

4.ಮಹಿಳೆಯರನ್ನು ಸುರಕ್ಷಿತವಾಗಿಡಲು ಹಾಗೂ ಇನ್ನಿತರ ಹಲವು ಪ್ರಯೋಜನಗಳಿಗಾಗಿ.

ನಾವು ಕಷ್ಟಪಟ್ಟು ದುಡಿದು ನಿರ್ಮಿಸಿದ ಮನೆಯಲ್ಲಿ ನಾವು ಭಾವಿಸಿದಂತಹ ನೆಮ್ಮದಿ ಸಿಗಲಿಲ್ಲ ಎಂದಾದರೆ ನಮ್ಮ ಬೇಸರವೆಷ್ಟಿರಬಹುದು.

ಇಂಶಾ ಅಲ್ಲಾಹ್.
ನಮ್ಮ ಮನೆಗಳಲ್ಲಿ ನೆಮ್ಮದಿಗಾಗಿ 40  ಸೂತ್ರಗಳನ್ನು ವಿವರಿಸುವೆನು.

ಎಲ್ಲರಿಗೂ ಶೇರ್ ಮಾಡಿ
ತಪ್ಪಿದ್ದರೆ ನನ್ನ ಗಮನಕ್ಕೆ ತನ್ನಿ.

ಮುಂದುವರಿಯುವುದು........