ನಿಮ್ಮ ಮನೆಯಲ್ಲಿ ಸಂತೋಷ ಬೇಕೇ? 40 ಸೂತ್ರಗಳು ಪಾಲಿಸಿ. ಭಾಗ 05

*ನಿಮ್ಮ ಮನೆಯಲ್ಲಿ ಸಂತೋಷ ಬೇಕೆ?*
*40 ಸೂತ್ರಗಳು ಪಾಲಿಸಿ*
••••••••••••••••••••••••••••••••••••••••••
  ಭಾಗ --5


📝 _ಮುನೀರ್ ಸಖಾಫಿ ಸಾಲೆತ್ತೂರು_

_*ಸೂತ್ರ  4:*_
*ಮನೆಯಲ್ಲಿ ಪ್ರೇಯರ್ ರೂಮ್ ಇರಲಿ*


ಬಂಗಲೆಯಂತಹ ಮನೆಯ ಪ್ಲಾನ್ ಮಾಡುವಾಗ ಹಲವರು ಮರೆತುಬಿಡುವ ಒಂದಾಗಿದೆ ಮನೆಯೊಳಗೆ ಆರಾಧನೆಗಿರುವ ಕೊಠಡಿ.
ಇದು ಮುಸ್ಲಿಮರ ಮನೆಯಲ್ಲಿ ಅತ್ಯಾವಶ್ಯಕವಾಗಿದೆ.
ದೈನಂದಿನ  5 ಸಮಯಗಳಲ್ಲಿ ಮನೆಯ ಎಲ್ಲರೂ ನಮಾಝ್ ಮಾಡುತ್ತಿರುವರು.
ಮನೆಯೊಳಗೆ ಸಿಕ್ಕಿದ ಸ್ಥಳಗಳಲ್ಲಿ ನಮಾಝ್ ಮಾಡುವುದಕ್ಕಿಂತ ನಮಾಜಿಗೆಂದೇ ಒಂದು ಕೊಠಡಿ ಇದ್ದರೆ ಎಷ್ಟು ಚಂದ.
ಪುರುಷರಿಗೂ ಮಹಿಳೆಯರಿಗೂ ಅದನ್ನು ಉಪಯೋಗಿಸಬಹುದು.
ನೆಲಕ್ಕೆ ಕಾರ್ಪೆಟ್ ಹಾಕಿ ಕಿಬ್ಲವನ್ನು ಗುರುತು ಮಾಡಿಟ್ಟರೆ ನಮ್ಮ ಮನೆಗಳಿಗೆ ಬರುವ ಅತಿಥಿಗಳಿಗೂ ಅದು ಬಹಳ ಪ್ರಯೋಜನಕಾರಿಯಾದೀತು.
(ಪುರುಷರಿಗೆ ಫರ್ಳ್ ನಮಾಝಿನ ಜಮಾಅತ್ ಮಸೀದಿಯಲ್ಲೇ ಶ್ರೇಷ್ಟ.ಮಸೀದಿಗೆ ಹೋಗಲು ಸಾಧ್ಯವಾಗದ ಸಂಧರ್ಭ ಈ ಕೊಠಡಿಯನ್ನು ಪುರುಷರಿಗೂ ಉಪಯೋಗಿಸಬಹುದು)

ಒಮ್ಮೆ ಒಂದು ಕಹಿ ಅನುಭವವಾಯಿತು.ಒಂದು ಖುತುಬಿಯ್ಯತ್'ಗೆ ಮನೆಗೆ ಆಹ್ವಾನಿಸಿದರು.ನಡುವೆ ಖಳಾಹುಲ್ ಹಾಜತ್'ನ ಸುನ್ನತ್ ನಮಾಜ್ ಮಾಡಲು ಕಿಬ್ಲ ಯಾವ ದಿಕ್ಕಿಗೆ ಅಂತ ಮನೆಯ ಯಜಮಾನನಲ್ಲಿ ಕೇಳಿದಾಗ ಅವರಿಗೆ ಕಿಬ್ಲ ಯಾವ ದಿಕ್ಕಿಗೆ ಅಂತ ಗೊತ್ತಿರಲಿಲ್ಲ.ಅವರು ಕೇಳಿ ಬರುತ್ತೇನೆಂದು ಒಳ ಹೋದವರು ಹೊರಗೆ ಬಂದೇ ಇಲ್ಲ.
😃😃😃😃😃


ಮನೆಯೊಳಗೆ ಕಿಬ್ಲ ಯಾವ ದಿಕ್ಕಿಗೆಂದು ನೋಡಿ ಮೊದಲೇ ಕುರುಹು ಮಾಡಿಡುತ್ತಿದ್ದರೆ ಈ ಒಂದು ಕಹಿ ಅನುಭವ  ಬರುತ್ತಿರಲಿಲ್ಲ.

ಅಲ್ಲಾಹನು ಹೇಳುತ್ತಾನೆ,
وَأَوۡحَیۡنَاۤ إِلَىٰ مُوسَىٰ وَأَخِیهِ أَن تَبَوَّءَا لِقَوۡمِكُمَا بِمِصۡرَ بُیُوتࣰا وَٱجۡعَلُوا۟ بُیُوتَكُمۡ قِبۡلَةࣰ وَأَقِیمُوا۟ ٱلصَّلَوٰةَۗ وَبَشِّرِ ٱلۡمُؤۡمِنِینَ
ಮೂಸಾ ಮತ್ತು ಅವರ ಸಹೋದರ(ಹಾರೂನ್ ನೆಬಿ) ಗೆ ನಾವು ಹೀಗೆ ಸಂದೇಶ ಕೊಟ್ಟೆವು. ನೀವಿಬ್ಬರೂ ನಿಮ್ಮ ಜನರಿಗಾಗಿ ಈಜಿಪ್ಟ್‍ನಲ್ಲಿ ಕೆಲವು
ಮನೆಗಳನ್ನು ನಿರ್ಮಿಸಿರಿ, ನಿಮ್ಮ ಆ ನಿವೇಶನಗಳನ್ನು ಕಿಬ್ಲಃವನ್ನಾಗಿ ಮಾಡಿರಿ,ನಮಾಝನ್ನು ಸಂಸ್ಥಾಪಿಸಿರಿ ಮತ್ತು ಸತ್ಯವಿಶ್ವಾಸಿಗಳಿಗೆ ಶುಭವಾರ್ತೆ ನೀಡಿರಿ.(ಸೂರ ಯೂನುಸ್ 87)
--------------------------------------------------------
ಫಿರ್ ಔನನ ಕಿರುಕುಳ ಅತಿಯಾದಾಗ ಜನರಿಗೆ ಮಸೀದಿಗೆ ತೆರಳಿ ಆರಾಧನಾ ಕರ್ಮಗಳಲ್ಲಿ ಏರ್ಪಡಲು ಅಸಾಧ್ಯವಾಯಿತು.
ಆವಾಗ ಮನೆಯಲ್ಲೇ ನಿಮ್ಮ ನಮಾಜನ್ನು ನಿರ್ವಹಿಸಿರಿ ಎಂದು ಅಲ್ಲಾಹನು ಕರೆ ಕೊಟ್ಟನು.
ಅದಕ್ಕಾಗಿ ಮನೆಯಲ್ಲಿ ಕಿಬ್ಲಗೆ ಕುರುಹು ಮಾಡಿರಿ ಎಂದು ಅಲ್ಲಾಹನು ಹೇಳಿದನು.

ಮನೆಯಲ್ಲಿ ನಮಾಝ್ ಮಾಡುವ ಸಂಧರ್ಭಗಳು ಖಂಡಿತಾ ಕೆಲವೊಮ್ಮೆ ಬರಬಹುದು.ಆ ಸಂಧರ್ಭದಲ್ಲಿ ಪ್ರೇಯರ್ ರೂಮ್ ಇದ್ದರೆ ಬಹಳ ಉತ್ತಮ.
ಒಂದು ಹದೀಸ್ ನೋಡಿ,
ان عتبان بن مالك وكان من أصحاب النبي صلى الله عليه وسلم ممن شهد بدرا من الأنصار أنه أتى رسول الله صلى الله عليه وسلم فقال يا رسول الله إني أنكرت بصري وأنا أصلي لقومي فإذا كانت الأمطار سال الوادي الذي بيني وبينهم لم أستطع أن آتي مسجدهم فأصلي لهم فوددت يا رسول الله أنك تأتي فتصلي في بيتي فأتخذه مصلى فقال سأفعل إن شاء الله قال عتبان فغدا رسول الله صلى الله عليه وسلم وأبو بكر حين ارتفع النهار فاستأذن النبي صلى الله عليه وسلم فأذنت له فلم يجلس حتى دخل البيت ثم قال لي أين تحب أن أصلي من بيتك فأشرت إلى ناحية من البيت فقام النبي صلى الله عليه وسلم فكبر فصففنا فصلى ركعتين ثم سلم

ಇತ್'ಬಾನ್ (ರ)ರವರು ಬದ್ರ್ ಯುದ್ಧದಲ್ಲಿ ಭಾಗವಹಿಸಿದ ಸ್ವಹಾಬಿಯಾಗಿದ್ದರು.ಅವರು ಪ್ರವಾದೀ ವರ್ಯರ ಬಳಿ ಬಂದು ಹೇಳಿದರು.
ಓ ಪ್ರವಾದೀ ವರ್ಯರೇ!
ನನ್ನ ಎರಡು ಕಣ್ಣಿನ ದೃಷ್ಥಿ ನಷ್ಟ ಹೊಂದಿದೆ.ನಾನು ನನ್ನ ಮನೆಯ ಪಕ್ಕದಲ್ಲೇ ಇರುವ ಮಸೀದಿಯೊಂದರಲ್ಲಿ ಜನರೊಂದಿಗೆ ಸೇರಿ ನಮಾಝ್ ಮಾಡುತ್ತಿದ್ದೆ.
ಕೆಲವೊಮ್ಮೆ ಮಳೆ ಬಂದರೆ ದಾರಿಯಲ್ಲಿ ನೀರು ನಿಂತು ಮಸೀದಿಗೆ ಹೋಗಲಾಗದಂತಹಾ ಪರಿಸ್ಥಿತಿ ನಿರ್ಮಾಣವಾಗುತ್ತದೆ.ಆದುದರಿಂದ ನಾನು ಮನೆಯಲ್ಲೇ ನಮಾಝ್ ಮಾಡಲು ಬಯಸಿದ್ದೇನೆ.ತಾವು ನನ್ನ ಮನೆಗೆ ಒಮ್ಮೆ ಬಂದು ನಮಾಝ್ ಮಾಡಿ ನನಗೆ ನಮಾಝ್ ಮಾಡಲು ಒಂದು ಸ್ಥಳವನ್ನು ಆಯ್ಕೆ ಮಾಡಿ ಕೊಡಬೇಕು.ಇದು ಕೇಳಿದಾಗ ಪ್ರವಾದೀ ವರ್ಯರು ಸಂತೋಷದಿಂದ ಅದಕ್ಕೆ ಒಪ್ಪಿಗೆ ಸೂಚಿಸಿದರು.
ಮರುದಿನ ಬೆಳಿಗ್ಗೆ ಪ್ರವಾದೀ ಸಲ್ಲಲ್ಲಾಹು ಅಲೈಹಿವಸಲ್ಲಮರು ಅಬೂಬಕ್ ಸಿದ್ದೀಕ್ (ರ)ರ ಜತೆ ಇತ್'ಬಾನ್'ರ ಮನೆ ಕಡೆ ಹೊರಟರು.
ಇತ್'ಬಾನ್'ನ ಮನೆಯೊಳಗೆ ಪ್ರವೇಶಿಸಲು ಅನುಮತಿ ಕೇಳಿ ಒಳ ಹೋದರು.
ನಾನು ಯಾವ ಸ್ಥಳದಲ್ಲಿ ನಮಾಝ್ ಮಾಡಬೇಕೆಂದು ಇತ್'ಬಾನ್'ರಲ್ಲಿ ಪ್ರವಾದೀ ವರ್ಯರು ಕೇಳಿದಾಗ ಇತ್'ಬಾನ್ ರವರು ಮನೆಯ ಒಂದು ಮೂಲೆಯಲ್ಲಿ ಸ್ಥಳ ಕಾಣಿಸಿಕೊಟ್ಟರು.ಅಲ್ಲಿ ಪ್ರವಾದೀ ವರ್ಯರು ಸಿದ್ದೀಕ್ (ರ)ರವರನ್ನು ಮತ್ತು ಇತ್'ಬಾನ್ (ರ) ರವರ ಮನೆಯವರನ್ನೆಲ್ಲಾ ಸೇರಿಸಿ 2 ರಕಅತ್ ನಮಾಝ್ ಮಾಡಿ ಸಲಾಮ್ ಹೇಳಿದರು.
(ಬುಖಾರಿ 425)

*ಮನೆಯೊಳಗೆ ಪ್ರಾರ್ಥನೆಗೆ ಒಂದು ರೂಮ್ ಬೇಕೆಂಬುವುದು ಇದರಿಂದ ಬಹಳ ಸ್ಪಷ್ಟ.*

*ಪ್ರಾರ್ಥನೆಗೆ ರೂಮ್ ಇರುವ ಮನೆ ಬರ್ಕತ್ ನ ಮನೆ.*



ಎಲ್ಲರಿಗೂ ಶೇರ್ ಮಾಡಿ

ತಪ್ಪಿದ್ದರೆ ನನ್ನ ಗಮನಕ್ಕೆ ತನ್ನಿ.
+919902623313
( ವಾಟ್ಸಪ್ ಮಾತ್ರ)

ಮುಂದುವರಿಯುವುದು........