*ಸ್ತ್ರೀ ಜುಮುಅ -ಜಮಾಅತ್ ಮಸೀದಿಯಲ್ಲಿ*

ಭಾಗ--1

📝ಮುನೀರ್ ಸಖಾಫಿ ಸಾಲೆತ್ತೂರು.
*_________________________________*

_ಇಂದು ಎಲ್ಲಾ ಕಡೆಗಳಲ್ಲೂ  ಸ್ತ್ರೀಯರ ಮಸೀದಿ ಪ್ರವೇಶದ ಬಗ್ಗೆ ಚರ್ಚೆ ಆಗುತ್ತಾ ಇದೆ._
_ಸ್ತ್ರೀ ಮಸೀದಿ ಪ್ರವೇಶದ ಬಗ್ಗೆ ಇಸ್ಲಾಮಿನ ನಿಲುವೇನೆಂದು ತಿಳಿಯುವುದು ಎಲ್ಲರ ಕರ್ತವ್ಯವಾಗಿದ್ದು,ಅದಕ್ಕಾಗಿ ಇಸ್ಲಾಮಿನ ಪ್ರಮಾಣಗಳ ಮೂಲಕ ಅದರ ಬಗ್ಗೆ ಬರೆಯಲು ಹೊರಟಿದ್ದೇನೆ._ _ಇದು ಸುದೀರ್ಘವಾದ ವಿಷಯವಾದುದರಿಂದ ಅದರ ಬಗ್ಗೆ ಇರುವ ಪರ-ವಿರೋಧಗಳ ಪುರಾವೆಗಳು ಮತ್ತು ಅದರ ಉತ್ತರಗಳನ್ನೂ ಸೇರಿಸಿ_ _ಬರೆಯುವೆನು. ಇಂಶಾ ಅಲ್ಲಾಹ್._
_ಅಕ್ಷರ ತಪ್ಪುಗಳಿದ್ದಲ್ಲಿ ಸರಿಪಡಿಸಿ ಶೇರ್ ಮಾಡುವುದರಲ್ಲಿ ನನ್ನ ಅಭ್ಯಂತರವಿಲ್ಲ._
_ಅಲ್ಲಾಹು ಖಬೂಲ್ ಮಾಡಲಿ._
--------------------------------------------------------
*ಸ್ತ್ರೀಯರ* ರಂಗ ಪ್ರವೇಶವು ಇಸ್ಲಾಂ ಅಂಗೀಕರಿಸುವುದಿಲ್ಲ. ಸ್ತ್ರೀಯರು ಆಡಳಿತ ಸಮಿತಿಯ ಸದಸ್ಯರಾಗುವುದು ಮತ್ತು ಸಾರ್ವಜನಿಕ  ವೇದಿಕೆಗಳಲ್ಲಿ ಪ್ರತ್ಯಕ್ಷವಾಗುವುದು  ಇಸ್ಲಾಂ ವಿರೋಧಿಸುತ್ತದೆ. ಹೊರಗಿಳಿದು ಪುರುಷರ ಜತೆ ಬೆರೆತಲ್ಲಿ ಹಲವಾರು ನಿಷಿದ್ಧ ಸಂಗತಿಗಳು ನಡೆಯುವುದರಲ್ಲಿ ಸಂಶಯವಿಲ್ಲ.

ಸ್ತ್ರೀಯರು ಶಾಪಿಂಗ್ ಗೆ ತೆರಳುವುದು, ಸಾರ್ವಜನಿಕ ಭಾಷಣ ಮಾಡುವುದು ಈ ಅಧುನಿಕ ಕಾಲದಲ್ಲಿ ನಿಸ್ಸಂಶಯ ನಿಷಿದ್ಧವಾಗಿದೆ.
ಆದರೆ ಚಿಕಿತ್ಸೆ, ಕಲಿಕೆ, ಸಾಕ್ಷಿ ನಿಲ್ಲಬೇಕಾದ ಅನಿವಾರ್ಯ ಸಂದರ್ಭದಲ್ಲಿ ಇಸ್ಲಾಮಿನ ನೀತಿ ನಿಯಮಗಳನ್ನು ಪಾಲಿಸಿ ಹೊರಗಿಳಿಯಬಹುದಾಗಿದೆ.
ಸಮರ್ಥರಾದ ಮಹಿಳಾ ವೈಧ್ಯರಿಲ್ಲದ ಸಂದರ್ಭದಲ್ಲಿ ವಿಶ್ವಾಸ ಯೋಗ್ಯರಾದ ಸ್ತ್ರೀಯರೊಂದಿಗೆ, ಪತಿ, ತಂದೆ, ಸಹೋದರ, ಮಗ ಮುಂತಾದ ವಿವಾಹ ನಿಷಿದ್ಧವಾದವರೊಂದಿಗೆ ಪುರುಷರಾದ ವೈಧ್ಯರನ್ನು ಸಂಪರ್ಕಿಸುವುದರಲ್ಲಿಯೂ ತಪ್ಪಿಲ್ಲ. ಕಲಿಸಲು ಯೋಗ್ಯನಾದ ಪತಿ ಅಥವಾ ಸ್ತ್ರೀಯರು ಇರುವಾಗ ಕಲಿಕೆಯ ಆವಶ್ಯಕ್ಕಾಗಿ ಅನ್ಯ ಪುರುಷರ ಬಳಿ ತೆರಳಬಾರದು.

ಮಸೀದಿಯಲ್ಲಿನ ಇಮಾಮತ್ ಮತ್ತು ಆಡಳಿತ ವ್ಯವಸ್ಥೆಯನ್ನು ಸ್ತ್ರೀಯರಿಗೆ ಇಸ್ಲಾಮ್ ಕೊಟ್ಟಿಲ್ಲ. ಆರಾಧನಾ ವಲಯಗಳಲ್ಲಿ ಸ್ತ್ರೀಯರಿಗೆ ಬಾಂಗ್ ಕರೆ, ಖುತುಬ, ಜುಮಾ ಮುಂತಾದವುಗಳನ್ನು ನಿರ್ವಹಿಸಲು ಅವಕಾಶವಿಲ್ಲ. ಅದೇ ರೀತಿ ಪುರುಷರಿಗೆ ಇಮಾಮತ್  ಆಗಿ ಸ್ತ್ರೀಯು ನಿಲ್ಲುವಂತಿಲ್ಲ.
ಕಿಸ್ರ ಚಕ್ರವರ್ತಿಯ ಮಗಳನ್ನು ಪೇರ್ಷಿಯನ್ನರು ರಾಣಿಯಾಗಿ ಆಯ್ಕೆ ಮಾಡಿದ ಬಗ್ಗೆ ಪ್ರವಾದಿ ಸಲ್ಲಲ್ಲಾಹು ಅಲೈಹಿವಸಲ್ಲಮರು ತಿಳಿದಾಗ
*لن يفلح قوم ولو امرهم امرأة (بخاري)*
ಖಂಡಿತವಾಗಿಯೂ ತಮ್ಮ ಕಾರ್ಯಗಳಲ್ಲಿ ಸ್ತ್ರೀಯರಿಗೆ ಅಧಿಕಾರ ವಹಿಸಿಕೊಟ್ಟ ಒಂದು ವಿಭಾಗವು ಜಯಶಾಲಿಯಗಲಾರರು ಎಂದು ಹೇಳಿದ ಹದೀಸನ್ನು ಇಮಾಮ್ ಬುಖಾರಿ ವರದಿ ಮಾಡಿದ್ದಾರೆ. ಸ್ತ್ರೀಯು ಪುರುಷನಂತೆ ಹೊರಗಿಳಿಯುವುದನ್ನು ಇಸ್ಲಾಮ್ ವಿರೋಧಿಸಿದೆ. ಅನಿವಾರ್ಯ ವೇಳೆಯಲ್ಲಿ ಮಾತ್ರ ಇಸ್ಲಾಮ್ ನಿರ್ದೇಶಿಸುವ ರೀತಿಯಲ್ಲಿ ಪೂರ್ಣ ಪರ್ಧಾದೊಂದಿಗೆ ಹೊರಗಿಳಿಯಬಹುದು. ಅದೂ ಕೂಡಾ ಒಂಟಿಯಾಗಿ ಹೋಗುವಂತಿಲ್ಲ. ರಕ್ಷಕರು, ಅಥವಾ ವಿವಾಹ ನಿಷಿದ್ಧವಾದ ಪುರುಷರು ಅವಳ ಜತೆಯಲ್ಲಿರಬೇಕು ಎಂಬ ಕಾನೂನು ಇಸ್ಲಾಂ ಹೆಣ್ಣಿಗೆ ಎಷ್ಟು ಸುರಕ್ಷತೆಯನ್ನು ನೀಡುತ್ತದೆ ಎಂಬುವುದನ್ನು ಮನದಟ್ಟು ಮಾಡಿಕೊಡುತ್ತದೆ.
ಮನೆಯಲ್ಲಿದ್ದು ಕೊಂಡು ಮನೆ, ಪತಿ, ಮಕ್ಕಳನ್ನು ಚೆನ್ನಾಗಿ ನೋಡಿಕೊಳ್ಳಬೇಕಾದ ಹೆಣ್ಣಿನೊಂದಿಗೆ ಊರಿನ ಅಧಿಕಾರ, ರಾಜ್ಯದ ಅಭಿವೃದ್ದಿಗೆ ಬೇಕಾಗಿ ಹೋರಾಡಬೇಕೆಂದು  ಹೇಳುವುದು ಸ್ತೀ ಸಮೂಹಕ್ಕೆ ಮಾಡುವ ಅಕ್ರಮವಾಗಿದೆ.
ಸ್ತ್ರೀಯರು ಪುರುಷರಂತೆ ಅಲ್ಲ. ಅವರಿಗೆ ಅವರದೇ ಆದ ಶಕ್ತಿ,ಸಹನೆ ಇದೆ. ಶಕ್ತಿಗಿಂತ ಮಿಗಿಲಾದ ಕೆಲಸವನ್ನು ಅವರಿಂದ ಮಾಡಿಸುವುದು ಘೋರ ಅಪರಾಧವಾಗಿದೆ.
 ಎಲ್ಲದ್ದಕ್ಕೂ ಪುರಾವೆಗಳನ್ನು ಮುಂದಿನ ಭಾಗದಲ್ಲಿ ಓದಿರಿ.


*ಮುಂದುವರಿಯುವುದು........*