📚📚📚📚📚📚📚📚📚📚📚
*ಅವುಲಿಯಾಗಳು ಮತ್ತು ಕರಾಮತ್ತು*
📚📚📚📚📚📚📚📚📚📚📚

*ಭಾಗ* 0⃣1⃣

*﷽*
         ನಿಜ ರೂಪದಲ್ಲಿ ದೀನೀ ಮತ್ತು ಧರ್ಮದ ಚಟುವಟಿಕೆಗಳನ್ನು  ಚೆನ್ನಾಗಿ ಅರಿತವರು ಮಾತ್ರ ಅವುಲಿಯಾಗಳಾಗುತ್ತಾರೆ.ತಮ್ಮ ಜೀವನವನ್ನು ಅಲ್ಲಾಹನಿಗಾಗಿ ಮುಡಿಪಾಗಿಟ್ಟು ಆ ಮೂಲಕ ಅಲ್ಲಾಹನನ್ನು ತ್ರಪ್ತಿಗೊಳಿಸಿ ಅವನ ಪವಿತ್ರ ಸಾಮೀಪ್ಯವನ್ನು
ದಕ್ಕಿಸಿಕೊಳ್ಳುವಲ್ಲಿ ಯಶಸ್ವಿಯಾದವರು ಮಾತ್ರ ವಲಿಯ್ಯ್ ಆಗುವರು.
          *ವಲಿಯ್ಯ್ ಎಂಬ ಪದದ ಅರ್ಥವೇ ಹತ್ತಿರವಾದವನು ಎಂಬಂತೆ ವಲಿಯುಲ್ಲಾಹಿ ಅಲ್ಲಾಹನ ಸಮೀಪವರ್ತಿ ಎಂದಾಗುತ್ತದೆ .ಒಬ್ಬನು ಅಲ್ಲಾಹನಿಗೆ ಹತ್ತಿರವಾದರೆ ಅವನಡೆಗೆ ಅಲ್ಲಾಹನ ಇಮ್ಮಡಿ ಹತ್ತಿರವಾಗುತ್ತಾನೆ .ಅದರ ಕುರಿತು ಅಲ್ಲಾಹನು ಒಂದು ಕುದುಸೀ ಹದೀಸಿನಲ್ಲಿ ಹೀಗೆಂದಿದ್ದಾನೆ ."ನನ್ನ ವಲಿಯ್ಯ್ ಆದವನನ್ನು ಯಾರಾದರು ದ್ವೇಷಿಸಿದರೆ ಅವರೊಂದಿಗೆ ನಾನು ಯುದ್ಧವನ್ನು ಸಾರುವೆನು.ನನ್ನನ್ನು ಪ್ರೀತಿಸುವವನು ನನ್ನ ಪ್ರೀತಿ ಸಂಪಾದಿಸುವಲ್ಲಿ ನಿರತರಾದರೆ ಅವನು ಕೇಳಿಸಿಕೊಳ್ಳುವ ಅವನ ಕಿವಿ ನಾನಾಗುವೆನು . ಅವನು ದ್ರಷ್ಟಿಹಾಯಿಸುವ ಕಡೆ ಅವನ ಕಣ್ಣು ನಾನಾಗುವೆನು .ಅವನು ನಡೆಯುವ ಕಾಲು ನಾನಾಗುವೆನು .ಅವನು ಕೇಳಿದ್ದನ್ನು ನಾ ಅವನಿಗೆ ಕೊಡುವೆನು .ಅವನು ನನ್ನಲ್ಲಿ ರಕ್ಷಣೆಯನ್ನು ಬಯಸಿದರೆ ನಾ ಅವನಿಗೆ ರಕ್ಷಣೆಯನ್ನು ನೀಡುವೆನು " .*
          ಅವುಲಿಯಾಗಳ  ಶ್ರೇಷ್ಠ ತೆ ಹಾಗೂ ಮಹತ್ವಕ್ಕೆ ಕನ್ನಡಿಯಂತಿರುವ ಪ್ರಸ್ತುತ ಹದೀಸ್, ಅವರು ಬಯಸುವಂತಹ ಅಸಾಧಾರಣ ಶಕ್ತಿಯನ್ನು ಸ್ಥಳ, ಕಾಲ , ಸ್ಥಿತಿಮಿತಿ ಇಲ್ಲದೆ ಅಲ್ಲಾಹನು ಅವರಿಗೆ ನೀಡುತ್ತಾನೆ ಎಂಬ ಸತ್ಯವನ್ನು ಸಂದೇಹಕ್ಕೆಡೆಯಿಲ್ಲದೆ ಸ್ಪಷ್ಟವಾಗಿ ಪ್ರತಿಪಾದಿಸುತ್ತದೆ .ಈ ರೀತಿಯಲ್ಲಿ ಅಂಬಿಯಾಗಳಿಗೆ ಅಲ್ಲಾಹನು ಹಲವಾರು ಪ್ರವಾದಿ ಕಾರ್ಯಗಳ ಸಾಕ್ಷಾತ್ಕಾರ ಶಕ್ತಿಯನ್ನು ನೀಡಿದಂತೆ ಅವರ ವಾರಿಸುದಾರರಾಗಿರುವ ಅವುಲಿಯಾಗಳಿಗೂ ಅಂತಹ ಶಕ್ತಿಯನ್ನು ನೀಡುತ್ತಾನೆ. ಪ್ರವಾದಿಯಾಗಬೇಕಿದ್ದರೆ ಪವಾಡಗಳು ಅನಿವಾರ್ಯವಿದ್ದಂತೆ ಅವುಲಿಯಾಗಳಿಗೆ ಕರಾಮತ್ ಇರಬೇಕೆಂದಿಲ್ಲ ಎಂದು ಉಲಮಾಗಳು ಸ್ಪಷ್ಟ ಪಡಿಸುತ್ತಾರೆ .ಅಂಬಿಯಾಗಳಿಂದ ಉಂಟಾದರೆ ಮುಅ್.ಜಿಝತ್ ಎಂಬ ಹೆಸರಿನಿಂದ ಗುರುತಿಸಲ್ಪಡುತ್ತದೆ.ಪ್ರವಾದಿಗಳಿಂದುಂಟಾಗುವ ಮುಅ್.ಜಿಝತ್.ನಲ್ಲಿ ನಾನೊರ್ವ ಪ್ರವಾದಿಯಾಗಿದ್ದೇನೆಂದೂ ನಿಮಗೆ ಸಾಧ್ಯವಿದ್ದರೆ ಇಂತಹ ಪವಾಡವನ್ನು ತೋರಿಸಿರಿ ಎಂಬ ಸವಾಲು ಇದೆಯಾದರು ಕರಾಮತ್ತಿನಲ್ಲಿ ಅಂತಹ ಸವಾಲುಗಳಿರುವುದಿಲ್ಲ.........
.
📚📚📚📚📚
*(ಅವುಲಿಯಾಗಳು ಮತ್ತು ಕರಾಮತ್ತು ಉಳಿದ ಭಾಗ ಇನ್ಶಾಅಲ್ಲಾಹ್ ನಾಳೆ ಬರಯುತ್ತೇನೆ)*

*✍🏻ಹಬೀಬ್ ಕಂದಾರ್ ಉಸ್ತಾದ್*
🌴🌴🌴🌴🌴🌴🌴🌴🌴