*ಮರ್ಕಝು ಸ್ಸಖಾಫತಿ ಸುನ್ನಿಯಾ*

ಹೌದು ಮರ್ಕಝ್ ಎಂದು ಚೆಂದದಿಂದ ಕರೆಯುವ ಸುಂದರ ಹೆಸರು. ಅಭಿಮಾನಿಗಳು, ಮತ್ತು ವಿರೋಧಿಗಳಿಗೂ ಚಿರಪರಿಚಿತ ಹೆಸರು...
ನಲವತ್ತು ವರ್ಷಗಳ ಹಿಂದೆ ಆ ಕಾಲದ ಬೇಡಿಕೆಯಾಗಿ ಸಿ ಎಂ ಮಡವೂರು, ಕಣ್ಣಿಯತ್ತ್ ಉಸ್ತಾದ್, ಶಂಶುಲ್ ಉಲಮಾ, ಈ ಕೆ ಹಸನ್ ಉಸ್ತಾದ್ ತಾಜುಲ್ ಉಲಮಾರಂತಹ ದಿಗ್ಗಜ ಉಲಮಾ ಶಿರೋಮಣಿಗಳ ಪಾದ ಸ್ಪರ್ಶದಿಂದ ಅನುಗ್ರಹೀತ ಮಣ್ಣು. ಕೆಲವೊಂದು ಮಣ್ಣಿಗೆ ಗೌರವವಿದೆ, ಕಥೆಗಳಿವೆ, ಹೋರಾಟವಿದೆ, ಕಠಿಣ ಪರಿಶ್ರಮವಿದೆ.
ತಲೆ ವಸ್ತ್ರ ಧರಿಸಿದ ಉಲಮಾಗಳನ್ನು ಅಗೌರವದಿಂದ ಕಾಣುವ ಆ ಕಾಲದಲ್ಲಿ ದೀನಿನ ಮಹತ್ವ ಸಾರಿದ, ಬಿದಯಿಗಳ ಸಿಂಹ ಸ್ವಪ್ನವಾಗಿ ಅರಳಿ ನಿಂತ ಮಹಾ ವಿದ್ಯಾಲಯ ಮರ್ಕಝ್...
ಏಷ್ಯಾ ಖಂಡದಲ್ಲೇ ಅಪ್ರತಿಮ ನಾಯಕರ ಸಜ್ಜುಗೊಳಿಸಿದ ಯಶಸ್ಸು ಈ ಸಂಸ್ಥೆಗಿದೆ.
ಸಮಸ್ತ ವಿಭಜನೆಯ ನಂತರ ಬಹುಬೇಗ ಬೆಳೆದ ಈ ಸಂಸ್ಥೆಯ ಸಾರಥಿ ಸುಲ್ತಾನುಲ್ ಉಲಮಾ.. ಜೊತೆಗೆ ಮರ್ಕಝ್ ಗೊತ್ತಿಲ್ಲದ ಪ್ರತಿಯೊಬ್ಬ ಕೇರಳಿಗನಿಗೂ, ದೇಶದ ಉದ್ದಗಲಕ್ಕೂ ಹೆಸರುಗಳಿಸಿ, ನಾಳಿನ ಸಮಾಜಕ್ಕೆ ಉನ್ನತರಾದ ಪ್ರಜೆಗಳ ಕೊಡುಗೆ ಸಲ್ಲಿಸುವಲ್ಲಿ ಈ ಸಂಸ್ಥೆ ಯಶ ಕಂಡಿದೆ.
ವಿರೋಧಿಗಳ ಕುತಂತ್ರವನ್ನು, ಎಸೆದ, ಆಡಿದ ಆಟಗಳನ್ನು ಒಂದೊಂದಾಗಿ ಹೆಕ್ಕಿ ಅದರಿಂದ ತನ್ನ ವಿದ್ಯಾ ಸಂಪತ್ತನ್ನು ಧಾರೆಯೆರೆದು ಕೊಡುವಲ್ಲಿಯೂ ವಿಶ್ವ ವಿಖ್ಯಾತಿ ಪಡೆದಿದೆ..

ಲೌಕಿಕ, ಸಾಮಾಜಿಕ, ಶೈಕ್ಷಣಿಕ, ಧಾರ್ಮಿಕ, ವಿದ್ಯೆಯನ್ನು ಅದರ ಸಂಪೂರ್ಣ ನೈತಿಕತೆಯ ಪರಿಪೂರ್ಣತೆಯಲ್ಲಿ ವಿದ್ಯಾರ್ಥಿಗಳನ್ನು ಪಕ್ವಗೊಳಿಸುವ ಮಹಾ ಸಂಭ್ರಮವಾಗಿದೆ ಮರ್ಕಝ್..

ವಿರೋಧಿಗಳ ಅವಮಾನಗಳನ್ನು ಮೌನವಾಗಿ ಸ್ವೀಕರಿಸಿ, ಯಾವುದೇ ಭಾವದಲ್ಲಿ ಪ್ರತಿಕ್ರಿಯಿಸದೆ ನಗುವಿನೊಂದಿಗೆ ಸ್ಪಂದಿಸುವ ಮಹಾ ತ್ಯಾಗಿ ಉಸ್ತಾದರ ಕನಸು ನನಸಿನ ನಲವತ್ತು ಸಂವತ್ಸರಗಳನ್ನು ಪರ ವಿರೋಧಿಗಳ ಸಹಾಯವನ್ನು ವಿನಯ ಪೂರ್ವಕ ಸ್ವೀಕರಿಸಿ ನಲವತ್ತರ ಪ್ರಬುದ್ದತೆಯ ಹಾದಿಯಲ್ಲಿ ಮತ್ತಷ್ಟು ಕನಸುಗಳ ಸಕಾರಕ್ಕೆ ಚಿನ್ನದ ಹೆಜ್ಜೆ ಇಡುವಾಗ  ಮಾಣಿಕ್ಯ (ರೂಬಿ) ಜುಬಿಲಿಯ ಸಂಭ್ರಮಕ್ಕೆ ತೋರಣ ಕಟ್ಟುವಾಗ ಹಿಂದೆ ಸರಿಯದೆ ದಿಟ್ಟ ಹೆಜ್ಜೆ ಮುಂದಿಟ್ಟು ಉಸ್ತಾದ್ ಶೈಖ್ ಅಬೂಬಕ್ಕರ್(ಅಲ್ಲಾಹು ಆಫಿಯತ್ತ್, ಹಿಮ್ಮತ್ ನೀಡಲಿ ಆಮೀನ್) ಕರೆಯುತ್ತಿದ್ದಾರೆ ಜನವರಿ 4, 5, 6, 7, 2018 ರಂದು ಮರ್ಕಝ್'ಗೆ ತಮಗೆಲ್ಲರಿಗೂ ಸ್ವಾಗತ...

ಅತ್ಯುನ್ನತ ಲೋಕ ಪಂಡಿತರ ಸಮಾಗಮಕ್ಕೆ ಕಾರಂದೂರಿನ ಮಣ್ಣು ಸ್ವಾಗತ ಕೋರುವಾಗ ಬನ್ನಿ ವಿಜಯಗೊಳಿಸಿ....
2018 January 4,5,6,7...

ಪಯಣಿಗ.