👌🏼 *ಪ್ಲೀಸ್, ಪರ್ದಾದ ಪಾವಿತ್ರ್ಯತೆಯನ್ನು ಕಾಪಾಡೋಣ!*👌🏼

👉🏿 *ಹಝ್ರತ್ ಉಮ್ಮು  ಝಫರ್(ರ) ಎಂಬ ಮಾತೆಯ ಉನ್ನತ  ಚಾರಿತ್ತ್ಯ  ಇಸ್ಲಾಮೀ ಇತಿಹಾಸದ ಪುಟಗಳಲ್ಲಿ ಕಂಗೊಳಿಸುತ್ತಿದೆ. ಅನಾರೋಗ್ಯದ ಮಧ್ಯೆಯೂ ಅವರು ಕುರ್ ಆನ್ ಮತ್ತು ಹದೀಸ್ ನಂತೆ ಬದುಕುತ್ತಿದ್ದರು. ಅಲ್ಲಾಹನ ಶರೀಅತನ್ನು ಅವರು ಅಪಾರವಾಗಿ ಗೌರವಿಸುತ್ತಿದ್ದರು. ಒಮ್ಮೆ ಅವರು ಪ್ರವಾದಿ(ಸ)ರೊಂದಿಗೆ, ಪ್ರವಾದಿವರ್ಯರೇ(ಸ) "ನನಗೆ ಅಪಸ್ಮಾರ ಬಾಧಿಸಿದಾಗ ನಾನು ಮೂರ್ಛೆ ತಪ್ಪುತ್ತೇನೆ. ಆವಾಗ ನನ್ನ ಮೈ ಕೈಯ ಪ್ರಜ್ನೆ ನನಗಿರುವುದಿಲ್ಲ. ನನ್ನ ಬಟ್ಟೆ ಬಿಚ್ಚಿ ಬಿಡುತ್ತದೆ. ನೀವು ನನಗಾಗಿ ಅಲ್ಲಾಹನಲ್ಲಿ ಪ್ರಾರ್ಥಿಸಿರಿ.*

👉🏿 *ಆ ಮಾತೆಯ ಸಮಸ್ಯೆ ಆಲಿಸಿದ ಪ್ರವಾದಿ(ಸ)ರ ಉತ್ತರ, "ನೀವು ಸಹನೆ ವಹಿಸುವುದಾದರೆ, ಅಲ್ಲಾಹನು ನಿಮಗೆ ಸ್ವರ್ಗ ದಯಪಾಲಿಸುವನು. ನಿಮ್ಮ ಸ್ಥಾನ "ಜನ್ನತ್" ಆಗಿರುವುದು ಮತ್ತು ನೀವು ಬಯಸುವುದಾದರೆ, ನಿಮ್ಮ ಅನಾರೋಗ್ಯ ದೂರವಾಗಲು, ನಿಮಗೆ 'ಆಫಿಯತ್' ಸಿಗಲು ನಾನು ಅಲ್ಲಾಹನಲ್ಲಿ ಪ್ರಾರ್ಥಿಸುತ್ತೇನೆ." ಉಮ್ಮು ಝಫರ್(ರ)  ಮತ್ತೆ ತಡಮಾಡಲಿಲ್ಲ. ಪ್ರವಾದಿ(ಸ)ರೊಂದಿಗೆ,*
*"ಪ್ರವಾದಿವರ್ಯರೇ(ಸ)! ನಾನು ಖಂಡಿತ ಸಹನೆ ವಹಿಸುವೆನು. ಆದರೆ ಆ ಸಂದರ್ಭದಲ್ಲಿ ನನ್ನ ಬಟ್ಟೆ ಬಿಚ್ಚಿ ಬಿಡುವುದನ್ನು ಭಯಪಡುತ್ತೇನೆ. ನಾನು ನಗ್ನಳಾಗದಂತೆ ನನಗಾಗಿ ನೀವು ಪ್ರಾರ್ಥಿಸಿರಿ." ಪ್ರವಾದಿ(ಸ) ಆ ಮಾತೆಗಾಗಿ ಪ್ರಾರ್ಥಿಸಿದರು.*

👉🏿 *ಹೌದು! ಪರ್ದಾ ಹೆಣ್ಣಿನ ಗೌರವ ಮತ್ತು ಅಭಿಮಾನದ ಸಂಕೇತವಾಗಿದೆ. ಅದು ಸತ್ಯವಿಶ್ವಾಸಿ ಮಹಿಳೆಯರ  ಸಮವಸ್ತ್ರವಾಗಿದೆ. ಪರ್ದಾದ ಅಗತ್ಯತೆಯನ್ನು ವಿವರಿಸಿದ ಪವಿತ್ರ ಕುರ್ ಆನ್, "ಅವರು ಗುರುತಿಸಲ್ಪಡು ವಂತಾಗಲಿಕ್ಕೂ ಸತಾಯಿಸಲ್ಪಡದಿರಲಿಕ್ಕೂ ಇದು ಹೆಚ್ಚು ಸೂಕ್ತ ನಿಯಮ"ವೆಂದು ಸಾರಿತು. ಇತಿಹಾಸದುದ್ದಕ್ಕೂ ಮುಸ್ಲಿಮ್ ಸ್ತ್ರೀಯರು ಪರ್ದಾದ ಪಾವಿತ್ರ್ಯತೆಯನ್ನು ಸದಾ ಕಾಪಾಡಿಕೊಂಡು ಬಂದರು. ಆ ಮೂಲಕ ಸಮಾಜದಲ್ಲಿ ತಾಂಡವವಾಡುತ್ತಿದ್ದ ಅನೈತಿಕತೆ, ಅಶ್ಲೀಲತೆ, ವ್ಯಬಿಚಾರ, ಅತ್ಯಾಚಾರ, ಸ್ತ್ರೀ ಶೋಷಣೆಗಳಿಗೆ ಕಡಿವಾಣ ಹಾಕಲಾಯಿತು.*

*ಎಲ್ಲಿಯ ತನಕವೆಂದರೆ, "ನನ್ನ ಮಯ್ಯತ್ತನ್ನು ಕಬರಸ್ಧಾನಕ್ಕೆ ಕೊಂಡೊಯ್ಯುವಾಗ, ಅನ್ಯ ಪುರುಷರು ನನ್ನ ಕಫನ್ ಬಟ್ಟೆಯನ್ನೂ ಕಾಣದಂತಾಗಲು  ಸೂಕ್ಷ್ಮತೆ  ಪಾಲಿಸುವಂತೆ" ವಸಿಯ್ಯತ್ ಮಾಡಿದ ಮಹಿಳಾ ರತ್ನಗಳ ಉನ್ನತ ಚಾರಿತ್ತ್ಯ  ಇಸ್ಲಾಮಿನ  ಚರಿತ್ರೆಯ ಪುಟಗಳಲ್ಲಿ ಇಂದಿಗೂ ಶೋಭಿಸುತ್ತಿದೆ.*

👉🏿 *ಆದರೆ, ಇಂದು ಮುಸ್ಲಿಮರೇ ಪರ್ದಾದ ಪಾವಿತ್ತ್ಯತೆಯನ್ನು ಫ್ಯಾಶನ್ ನ ಹೆಸರಲ್ಲಿ  ಕೆಡಿಸಿದ್ದಾರೆ. ದೇಹದ ಉಬ್ಬು ತಗ್ಗುಗಳು ಗೋಚರಿಸುವ ಬನಿಯನ್ ಟೈಪುಗಳು, ಟೈಟ್ ಫಿಟ್ ಹಾಗೂ  ಬಟರ್ ಫ್ಲೈ ಸಂಸ್ಕಾರಗಳು ಸಮುದಾಯವನ್ನೇ ನಗೆಪಾಟಲೀ ಗೀಡಾಗಿಸುತ್ತಿವೆ. ಒಟ್ಟಿನಲ್ಲಿ  ಆಧುನಿಕ  ಬುರ್ಖಾಗಳು ತನ್ನ ಮೂಲ ಉದ್ದೇಶವನ್ನು ಮರೆತು ಲಜ್ಜೆಯನ್ನೇ ಪಣಕ್ಕಿಟ್ಟದೆ. ಪರ್ದಾ ಧರಿಸಿಯೂ ಧರಿಸದಂತಹ, ಬಟ್ಟೆ ತೊಟ್ಟೂ ತೊಡದಂತಹ ಅವಸ್ಥೆ‌ ಮರುಕ ಹುಟ್ಟಿಸುವಂತಿದೆ. ಸ್ವಹಾಬಿ ವನಿತೆಯರ ಪರ್ದಾದ ಪಾಲನೆ ಅನ್ಯ ಪುರುಷರು ಕಣ್ಣೆತ್ತಿಯೂ ನೋಡದಷ್ಟು ಪಾವಿತ್ರ್ಯತೆಯಿಂದ ಕೂಡಿತ್ತು‌. ಅಂದರೆ ಅದು ಕಣ್ಣಿನ ವ್ಯಬಿಚಾರಕ್ಕೂ ತಡೆಗೋಡೆಯಾಗಿತ್ತು. ಪರ್ದಾದ ಗೌರವ ಮತ್ತು ಗಾಂಭೀರ್ಯ ಅವರಲ್ಲಿತ್ತು.*

👉🏿 *ಆಧುನಿಕ ಮುಸ್ಲಿಮ್ ಮಹಿಳೆಯರು ಫ್ಯಾಶನ್ ನ ಹೆಸರಲ್ಲಿ ದಿನಕ್ಕೊಂದರಂತೆ ಮಾರ್ಕೆಟಿಗೆ  ತರುವ ಪರ್ದಾಗಳು ಸಮುದಾಯಕ್ಕೆ ದೊಡ್ಡ ಸವಾಲಾಗಿದೆ. ಈ ಅಪರಾಧದಲ್ಲಿ ಸ್ತ್ರೀಯರಂತೆ ಪುರುಷರಿಗೂ ಪಾಲಿದೆ. ಅವರು ಕಂಡೂ ಕಾಣದಂತೆ ನಟಿಸುತ್ತಿದ್ದಾರೆ. ಬುರ್ಖಾ ಧರಿಸಿಯೂ ಒಳ ಡ್ರೆಸ್ ಕಾಣಿಸಿ ಕೊಡಲು ಮತ್ತು ಹೆಜ್ಜೆಗೆ  ಧರಿಸಿದ ಬಂಗಾರದ ಗೆಜ್ಜೆ  ಕಾಣಿಸಿಕೊಡುವ ಅಹಂಕಾರದಲ್ಲಿ ಬುರ್ಖಾವನ್ನೇ ಎತ್ತಿ ಹಿಡಿಯುವ, ಕೆಲವೊಮ್ಮೆ  ಕಾಲ್ ರಿಸೀವ್ ಮಾಡಿ, ಎಲ್ಲಿ ತನಕ ಎತ್ತಿ ಹಿಡಿಯುತ್ತಿದ್ದೇನೆಂಬ ಪ್ರಜ್ನೆಯೂ ಇಲ್ಲದ ಅವಸ್ಥೆ ಸಮುದಾಯಕ್ಕೆ ದೊಡ್ಡ  ಶಾಪವಾಗಿದೆ. ಮುಂಗೈ ಮುಚ್ಚಿ ಪಾದಗಳ ನಗ್ನತೆ ಎತ್ತಿ ತೋರಿಸುವ ಸಂಸ್ಕಾರ ಎಲ್ಲಿಂದ ಎರವಲು  ಪಡೆದದ್ದೋ ಒಂದೂ ಅರ್ಥವಾಗುತ್ತಿಲ್ಲ. ಕಾರಣ,  ಮುಂಗೈಕ್ಕಿಂತಲೂ ಪ್ರಾಧಾನ್ಯತೆ ಇರುವುದು ಪಾದ ಮುಚ್ಚಲಿಕ್ಕಲ್ಲವೇ?*

👉🏿 *ಹಝ್ರತ್  ಉಮ್ಮು ಝಫರ್(ರ) ಅನಾರೋಗ್ಯದ ಮಧ್ಯೆ,  ಸಹಜವಾಗಿ ಪ್ರಕಟವಾಗುವುದಕ್ಕೇ ನಡುಗಿ ಹೋದರು. ಅವರು ಓದಿದ ಅದೇ ಕುರ್ ಆನನ್ನಲ್ಲವೇ ನಾವು ಓದುತ್ತಿರುವುದು. "ಲಜ್ಜೆ ಈಮಾನಿನ ಭಾಗವೆಂದು" ಕಲಿಸಿದ ಪ್ರವಾದಿವರ್ಯರ(ಸ) ಅನುಯಾಯಿಗಳಲ್ಲವೇ ನಾವೆಲ್ಲ? ನಮ್ಮಲ್ಲೇಕೆ ಬದಲಾವನೆಗಳು ಬರುತ್ತಿಲ್ಲ?*
👉🏿 *ನೆನಪಿಡಿ, ಆಯಿಶಾ(ರ)ರ ಸಮೂಹದಲ್ಲಿ ಅಶ್ಲೀಲತೆ - ನಗ್ನತೆಯನ್ನು ಬಿತ್ತಿ ಬೆಳೆಸುವವರು, ಫಾತಿಮಾ(ರ)ರ ಪರ್ದಾದ ಪಾವಿತ್ತ್ಯತೆಯನ್ನು ಹಾಳು ಮಾಡುವವರು ಅಲ್ಲಾಹನ ಶಾಪಕ್ರೋಧಕ್ಕೆ ಪಾತ್ರರೆಂದು ಕುರ್ ಆನ್ ಎಚ್ಚರಿಸಿದೆ. ಸೂರಃ ಅಹ್ ಝಾಬ್ ಮತ್ತು ಅನ್ನೂರ್ ಅಧ್ಯಾಯಗಳನ್ನು ಇಂದೇ ಪರಿಶೀಲಿಸಿ ನೋಡಿ. ಹಾಗೆಯೇ, ಅಶ್ಲೀಲತೆ ಬೆತ್ತಲೆ ಸಂಸ್ಕಾರಗಳಿಂದ ಸಮಾಜದ ಸ್ವಾಸ್ಥ್ಯವನ್ನು ಕೆಡಿಸುವವರು ಸ್ವರ್ಗ ಪ್ರವೇಶಿಸಲಾರರು  ಮಾತ್ರವಲ್ಲ ಸ್ವರ್ಗದ ಸುವಾಸನೆಯನ್ನೂ ಆಸ್ವದಿಸಲಾರರೆಂಬ ಪ್ರವಾದಿವರ್ಯರ(ಸ)ರ ಎಚ್ಚರಿಕೆಯನ್ನು ಗಂಭೀರವಾಗಿ ಪರಿಗಣಿಸೋಣ! ಶರೀಅತ್ ನ ಸಮಗ್ರ ಬೇಡಿಕೆಯನ್ನು ಈಡೇರಿಸುವ ಒಂದೊಳ್ಳೊಯ ಪರ್ದಾವನ್ನು ಇಂದೇ ಖರೀದಿಸೋಣ! ಅಲ್ಲಾಹನು ಅನುಗ್ರಹಿಸಲಿ.*

     *🌹🌹ಪ್ರೀತಿಯಿಂದ🌹🌹*

      *ಅಬೂ ಅಬ್ದುಲ್ಲಾ, ಮಂಗಳೂರು.*