😰🏹🏹⚔⚔⚔🏹🏹 😰
😰 ​ *ಕಣ್ಣೀರ ಕಡಲಾದ ಕರ್ಬಲ*​ 😰
😰🗡   ​ *ಯುದ್ಧ ಚರಿತ್ರೆ​*  🗡   😰
😰😰😰😰😰😰😰😰😰
     👉 ​ *ಭಾಗ* 0⃣9⃣
**********************
*صَـلــُّوا عَـلَـى النَّبِيِّ ﷺ وَآلـِهِ*
 *اللَّهُمَّ صَلِّ عَلَى سَيِّدِنَا مُحَمَّدٍ*
 *وَعَلَى آلِ سَيِّدِنَا مُحَمَّدٍ*
 *وَبَارِكْ وَسَلِّمْ عَلَيْه*
➖➖➖➖➖➖➖➖➖
✍ _ಗಫೂರ್ ಬಾಯಾರ್_
💠💠💠💠💠💠💠💠💠

 ಹಾಗೆ ಉಮ್ಮುಲ್ ಹಕೀಮ್(ರ)ರವರ ⬇

*"ಇದ್ದ"ದ ಅವಧಿಯೂ ಮುಗಿಯಿತು.*

"ಇದ್ದ"ಕ್ಕೆ ಸಂಬಂಧಿಸಿದಂತೆ ದಿನಗಳನ್ನು ಎಣಿಸುತ್ತಿದ್ದ *ಯಝೀದ್* ಇದ್ದದ ಅವಧಿ ಮುಗಿಯುತ್ತಿದ್ದಂತೆ ಮತ್ತೊಂದು ಪತ್ರವನ್ನು ಸಿದ್ಧಪಡಿಸಿದನು.

ಅದು ಮತ್ತಾರಿಗೂ ಅಲ್ಲ, ತನ್ನ ಪ್ರಿಯತಮನಿಗೇನು ಸಂಭವಿಸಿರಬಹುದು? ಮತ್ತು ತನ್ನನ್ನೇಕೆ ತ್ಯಜಿಸಿದರು ಎಂದೊಂದೂ ತಿಳಿಯದೆ ಅಸಹಾಯಕತೆಯಿಂದ ಕೊರಗುತ್ತಾ ದಿನಗಳೆಯುತ್ತಿದ್ದ ಮಹದಿ *ಉಮ್ಮುಲ್ ಹಕೀಮ್ (ರ)ರವರಿಗಾಗಿತ್ತು.*

ತನ್ನ ನಂಬಿಕಸ್ಥನಾದ ದೂತನೊಬ್ಬನನ್ನು ಕರೆದು *ಯಝೀದ್* ಹೇಳಿದ,

ಇನ್ನೊಬ್ಬರ ಕಣ್ಣಿಗೆ ಬೀಳದಂತೆ ಬಹಳ ರಹಸ್ಯವಾಗಿ ನೀನು ಈ ಪತ್ರವನ್ನು ನೇರವಾಗಿ *ಉಮ್ಮುಲ್ ಹಕೀಮ್(ರ)ರ* ಕೈಗೆ ಕೊಡಬೇಕು.

ಆ ಪ್ರಕಾರ ದೂತನು ಪತ್ರದೊಂದಿಗೆ ಹೊರಟು,
*ಉಮ್ಮುಲ್ ಹಕೀಮ್(ರ)* ರವರ ಮನೆಯ ಸಮೀಪಕ್ಕೆ ತಲುಪಿದಾಗ..

 ಅದೇ ಸಮಯದಲ್ಲಿ ನಮಾಝ್ ಮುಗಿಸಿ ಮಸ್ಜಿದ್'ನಿಂದ ಉಮ್ಮುಲ್ ಹಕೀಂ(ರ)ರವರ ಮನೆಯ ಮುಂದೆ ಹಾದು ಹೋಗುತ್ತಿದ್ದ
*ಹಸನ್ (ರ) ರವರು ಆ ದೂತನನ್ನು ಕಂಡರು.*

ಉಮ್ಮುಲ್ ಹಕೀಮ್(ರ)ರವರ ಮನೆ ಸಮೀಪವೇ ದೂತನಿದ್ದುದರಿಂದ ಸಂಶಯದಿಂದ ಅವನನ್ನು ಕರೆದು ಯಾರು ನೀನು? ಇಲ್ಲೇನು ಕೆಲಸ ನಿನಗೆ ಎಂದು ಗದರಿಸಿದರು.

ಹಸನ್(ರ)ರನ್ನು ಕಂಡು ಭಯಭೀತನಾದ ಆ ದೂತ ಬಹುಮಾನ್ಯರಲ್ಲಿ ಉಮ್ಮಲ್ ಹಕೀಂ(ರ)ರವರಿಗೆ ಯಝೀದ್'ನ ಪತ್ರ ತಲುಪಿಸಲು ಬಂದಿರುವುದಾಗಿ ತಿಳಿಸಿದಾಗ..

*ಹಸನ್(ರ)* ಹೇಳಿದರು, ಸರಿ, ನೀನು ಹೋಗಿ
*ಉಮ್ಮುಲ್ ಹಕೀಮ್(ರ)* ರೊಂದಿಗೆ ಯಝೀದ್'ನನ್ನು ವಿವಾಹವಾಗಲು ಸಮ್ಮತವೇ ಎಂದು ಕೇಳು...

*ಆಗ ಅವಳು ಇಲ್ಲ ಎಂದರೆ..*
*ಹಸನ್ (ರ)ರವರನ್ನು ಸ್ವೀಕರಿಸುವೆಯಾ..?*
*ಎಂದು ಕೂಡ ನೀನು ಕೇಳಬೇಕು.*

ಸರಿ ಎಂದು ತಲೆಯಾಡಿಸಿದ ಆ ದೂತ *ಯಝೀದ್'ನ* ಪತ್ರವನ್ನು  ಕೊಂಡೊಯ್ದು *ಉಮ್ಮುಲ್ ಹಕೀಮ್(ರ)ರಿಗೆ* ಕೊಟ್ಟನು.

ಉಮ್ಮಲ್ ಹಕೀಮ್ (ರ) ಪತ್ರವನ್ನು ಬಿಡಿಸಿ ಓದಿದರು.

ಅದರಲ್ಲಿ ಹೀಗೆ ಬರೆಯಲಾಗಿತ್ತು..

  *🌹ಪ್ರೀತಿಯ ಉಮ್ಮುಲ್ ಹಕೀಮ್ (ರ) ತಿಳಿಯಲು ಖಲೀಫನಾದ ಯಝೀದ್ ಬರೆಯುತ್ತಿರುವ ಪತ್ರ..,*

*ವಿಷಯವೇನೆಂದರೆ....*
*ಸೈನಿಕನಾಗಿದ್ದ ನಿನ್ನ ಪತಿ ನಿನ್ನನ್ನು ತ್ವಲಾಖ್  ಹೇಳಿದ ವಿಷಯ ನನ್ನ ಗಮನಕ್ಕೆ ಬಂದಿದೆ....*

    *ಅದರಿಂದ ನೀನಿನ್ನು ಅದಕ್ಕಾಗಿ ದುಃಖಿಸುವ ಅಗತ್ಯವಿಲ್ಲ.*
*ಖಲೀಫನಾಗಿರುವ ನಾನು ನಿನ್ನನ್ನು ವಿವಾಹವಾಗಲು ಸಿದ್ಧನಿದ್ದೇನೆ..*

ಪತ್ರದ ಒಕ್ಕಣೆಯನ್ನು ಓದಿದ *ಉಮ್ಮುಲ್ ಹಕೀಮ್(ರ)* ಮನೆಯಿಂದ ಹೊರ ಬಂದು ಪತ್ರವನ್ನು ಆ ದೂತನ ಮುಖಕ್ಕೆಸೆದು ರೇೂಷಾವೇಶದಿಂದ ಹೇಳಿದರು,

*ಆ ವಂಚಕನಿಗೇನು ಮಾಡಲು ಬೇರೆ ಕೆಲಸವಿಲ್ಲವೇ...?*
*ಜೀವನ ಪರ್ಯಂತ ಹಸಿವೆಯಿಂದ ಉಪವಾಸ ಬಿದ್ದರೂ ಆ ನೀಚನನ್ನು ನಾನು ವರಿಸಲಾರೆ. ತೊಲಗಾಚೆ ಎಂದರು.*

ಉಮ್ಮುಲ್ ಹಕೀಮ್(ರ)ರವರ ರೇೂಷ ಕಂಡು ಕಕ್ಕಾಬಿಕ್ಕಿಯಾದ ಆ ದೂತ ಸ್ವಲ್ಪ ದೂರ ಹೇೂದವನು ತುಸು ಧೈರ್ಯ ತಂದು ಕೊಂಡು ಮತ್ತೆ ಉಮ್ಮುಲ್ ಹಕೀಮ್(ರ)ರತ್ತ ತಿರುಗಿ ಹೇಳಿದನು..

*ಯಝೀದ್'ನನ್ನು* ಪತಿಯಾಗಿ ಸ್ವೀಕರಿಸಲು ತಮಗೆ ಇಷ್ಟವಿಲ್ಲದಿದ್ದರೆ ಹೇೂಗಲಿ ಬಿಡಿ.

*ನಾನು ಬರುವ ದಾರಿಯಲ್ಲಿ ಹಸನ್ (ರ)ರವರನ್ನು ಭೇಟಿಯಾಗಿದ್ದೆ. ಅವರನ್ನು ಸ್ವೀಕರಿಸಲು ತಮಗೆ ಸಮ್ಮತವಿದೆಯೇ ಎಂದು ಕೇಳಲು ಹೇಳಿದ್ದಾರೆ ಎಂದಾಗ..*

ಈ ಮಾತು ಕೇಳಿ ರೇೂಮಾಂಚಿತರಾದ ಮಹದಿ *ಉಮ್ಮುಲ್ ಹಕೀಮ್ (ರ)*

ಮಾ ಷಾ ಅಲ್ಲಾಹ್.... ಎಂದು
ಅಲ್ಲಾಹನನ್ನು ಸ್ತುತಿಸುತ್ತಾ ಹೇಳಿದರು...
ಅಲ್ಲಾಹನ ರಸೂಲ್ ﷺ ರ ಮುದ್ದು ಮಗಳು ಸಯ್ಯಿದತುನಾ ಬೀವಿ ಫಾತಿಮತ್ ಝಹ್ರಾ (ರ) ರವರ ಕಣ್ಮಣಿಯಾದ ಹಸನ್ (ರ) ರವರು ನನ್ನನ್ನು ಪತ್ನಿಯಾಗಿ ಸ್ವೀಕರಿಸುವರಾದರೆ ಅದಕ್ಕಿಂತ ದೊಡ್ಡ ಸೌಭಾಗ್ಯ ನನಗೆ ಮತ್ತಿನ್ನೇನಿದೆ? ನನ್ನ ಸಂಪೂರ್ಣ ಸಮ್ಮತವಿದೆಯೆಂದು ತಿಳಿಸು ಎಂದರು.

*ವಿಷಯ ತಿಳಿದ ಹಸನ್ (ರ) ರವರು ಉಮ್ಮುಲ್ ಹಕೀಮ್(ರ)ರವರ ಸಂರಕ್ಷಣೆಯ ಸಲುವಾಗಿ ಅವರನ್ನು ಎರಡನೇ ಪತ್ನಿಯಾಗಿ ಸ್ವೀಕರಿಸಿದರು.*

ಈ ವಾರ್ತೆ ದೂತನ ಮೂಲಕ *ಯಝೀದ್' ನಿಗೆ* ತಲುಪಿದ್ದೇ ತಡ ರೇೂಷದಿಂದ ಕುದಿಯಲಾರಂಭಿಸಿದ.

ಕಾರಣ ಹಲವಾರು ವರ್ಷಗಳಿಂದ *ಉಮ್ಮುಲ್ ಹಕೀಮ್ (ರ)* ಎಂಬ ಸುಂದರ ಚೆಲುವೆಯ ಬಗ್ಗೆ ಅವನ ಅಂತರಂಗದಲಿ ಕಂಡಿದ್ದ ರಂಗು ರಂಗಿನ ಕನಸುಗಳೆಲ್ಲವೂ ಒಮ್ಮೆಲೆ ನುಚ್ಚು ನೂರಾಗಿದ್ದಷ್ಟೇ ಅಲ್ಲದೆ ಉಮ್ಮುಲ್ ಹಕೀಮ್(ರ)ರನ್ನು ಪಡೆಯುವ ಸಲುವಾಗಿ ಪಟ್ಟ ಪಾಡೆಲ್ಲವೂ ನಿರರ್ಥಕವಾಗಿದ್ದರಿಂದ ಕಂಗೆಟ್ಟ ಯಝೀದ್ *ಹಸನ್ (ರ)ರವರನ್ನೇ* ವಧಿಸಲು ತೀರ್ಮಾನಿಸಿ, ಕುಟಿಲ ತಂತ್ರ ಹೆಣೆದು ತನ್ನ ದೂತನೊಬ್ಬನನ್ನು ಕರೆದನು.

ಏ.. ಜಅಫರ್.... ⤵

*ಮುಂದುವರಿಯುವುದು*
*ಇನ್ ಷಾ ಅಲ್ಲಾಹ್*
🔰🔰🔰🔰🔰🔰🔰🔰🔰