ಇತಿಹಾಸ ಪ್ರಸಿದ್ಧ ಯಮಾಮ ಯುದ್ಧ ಭಾಗ-14

🥗🥗🥗🥗🥗🥗🥗🥗🥗
⚔ *ಇತಿಹಾಸ ಪ್ರಸಿದ್ಧ*
    *ಯಮಾಮ ಯುದ್ಧ* ⚔
♻♻♻♻♻♻♻♻♻
اللَّهُمَّ صَلِّ عَلَى سَيِّدِنَا مُحَمَّدٍ
وَعَلَى آلِ سَيِّدِنَا مُحَمَّدٍ
وَبَارِكْ وَسَلِّمْ عَلَيْه
_________________________
*ಚರಿತ್ರೆಯ ಪುಟಗಳ*
*ಅಂತರಾಳದಿಂದ*
➖➖➖➖➖➖➖➖➖
*ಭಾಗ* 1⃣4⃣
➖➖➖➖➖➖➖➖➖

ಆಮೇಲೆ ಅಬೂ ಇಯಾಝ್⤵

ಒಂಟೆಯ ಮೂಗಿನ ದಾರವನ್ನು ಹಿಡಿದು ಮೆಲ್ಲ ಮೆಲ್ಲನೆ ನಿಧಾನವಾಗಿ ಅಟ್ಟಿಕೊಂಡು ನಡೆದರು.

*ಫರ್ಹನಾಝ್* ಮುದ್ದು ಮಗನೆ ಬಾ.. ಎಂದು ಕರೆದು *ಆಬಿದ್'*ನನ್ನು ಎತ್ತಿಕೊಂಡು ಅವಳ ಮನೆಗೆ ನಡೆದರು.

*ಫರ್ಹನಾಝಿ'*ನ ಆ ಸಣ್ಣ ಮನೆಯ ಒಂಟಿ ಕೋಣೆಯಲ್ಲಿ *ಮಲಿಹ'*ಳನ್ನು ಕರೆದುಕೊಂಡು ಹೋಗಿ ಮಲಗಿಸಿದಳು. ತಬ್ಬಲಿಯಾದ
*ಫರ್ಹನಾಝ್'*ನಿಗೆ
ಒಬ್ಬ ಸಹೋದರ ಮಾತ್ರ ಇರುವುದು. ಅವರ ಹೆಸರು *ಹಾರಿಸ್* (ರ)ಎಂದಾಗಿದೆ. ಅವರು ಆಗ ಆ ಮನೆಯಲ್ಲಿರಲಿಲ್ಲ.

ಆರು ತಿಂಗಳುಗಳಿಂದ ಅವರು *ಸೈಫುಲ್ಲಾಹಿ ಕಾಲಿದ್ ಇಬ್ನು ವಾಲಿದ್ (ರ)*ರವರ ಜೊತೆಯಲ್ಲಿದ್ದರು, ಅವರು ಯುದ್ಧಕ್ಕಾಗಿ ತಯಾರಿ ನಡೆಸುತ್ತಿದ್ದರು.

ಅಬೂ ಇಯಾಝ್ ಹಲವು ವಿಧದ ಮದ್ದುಗಳನ್ನು *ಮಲಿಹ'*ಳಿಗೆ ಮಾಡಿದರೂ ಜ್ವರ ಕಡಿಮೆಯಾಗಲಿಲ್ಲ.
ದಿನಗಳು ಉರುಳಿತ್ತದ್ದಂತೆ *ಮಲಿಹ*'ಳ ಜ್ವರ ಕಡಿಮೆಯಾಗುವ ಯಾವ ಲಕ್ಷಣವು ಕಂಡು ಬರದೆ ಖಾಯಿಲೆ ಉದ್ಬವಿಸುತ್ತಾ ಹೋಯಿತು.

ಆಗ ಅಬೂ ಇಯಾಝ್ ಪಕ್ಕದ ಊರಿನಿಂದ ಒಬ್ಬ ನಾಟಿ ವೈದ್ಯರನ್ನು ಕರೆದುಕೊಂಡು ಬಂದರು.

ಮಲಿಹ'ಳನ್ನು ಪರೀಕ್ಷಿಸಿದ ಅವರು ನಂತರ ಹೊರಗೆ ಬಂದು ಅಬೂ ಇಯಾಝ್'ನೊಂದಿಗೆ *"ಒಂದು ಸತ್ಯವನ್ನು ನಾನು ಹೇಳುತ್ತೇನೆ, ಇವಳ ಜ್ವರ ಮೆದುಳಿಗೆ ಬಾಧಿಸಿರುತ್ತದೆ, ಆದ್ದರಿಂದ್ದಲೇ ಇವಳಿಗೆ ಆಗಾಗ ಪ್ರಜ್ಞೆ ತಪ್ಪುವುದು. ಈ ಜ್ವರ ವಾಸಿಯಾಗಿ ಮೊದಲಿನ ತರಹ ಜೀವನಕ್ಕೆ ಮರಳಿ ಬರುವಳೆಂಬ ವಿಶ್ವಾಸ ನನಗಿಲ್ಲ, ಒಂದು ಗಂಟೆಯೊಳಗೆ ಅಥವಾ ಒಂದು ದಿನದಳೊಳಗೆ ಇವಳು ರಕ್ತ ವಾಂತಿ ಮಾಡಿ ಮರಣ ಹೊಂದಲು ಸಾಧ್ಯತೆ ಇದೆ."!!* ಎಂದರು..

ವೈದ್ಯರು ಹೇಳುವುದನ್ನು ಆಚೆಯ ಕೋಣೆಯಿಂದ *ಮಲಿಹ* ಕೇಳಿಸಿಕೊಂಡಾಗ *ಆಬಿದ್* ಹತ್ತಿರದಲ್ಲಿ ಕುಳಿತು ಆಟ ಆಡುತ್ತಿದನು.
*ಮಲಿಹ* ಮಗನನ್ನು ಎತ್ತಿ ಎದೆಗೆ ಅಪ್ಪಿ ಹಿಡಿದು *"ಕಂದಾ, ನೀ ಜನಿಸುವುದಕ್ಕಿಂತ ಮೊದಲು ನಿನ್ನ ತಂದೆ ನಮ್ಮನ್ನು ಬಿಟ್ಟು ಹೋದರು. ಈಗ ನೀನು ಅಮ್ಮಾ ಎಂದು ಕರೆದು ಆಸೆ ಪೂರ್ತಿಯಾಗುವ ಮೊದಲೇ ತಾಯಿಯು ಹೋಗುವ ಹಂತಕ್ಕೆ ಬಂದು ನಿಂತಿದ್ದಾಳೆ"* ಎಂದು ಹೇಳಿ ಬಿಕ್ಕಿ ಬಿಕ್ಕಿ ಅಳಲಾರಂಭಿಸಿದಳು.

ಅದೇ ಸಮಯದಲ್ಲಿ *ಫರ್ಹನಾಝ್* ಮಲಿಹ'ಳಿಗೆ ಕುಡಿಯಲು ನೀರಿನೊಂದಿಗೆ ಬರುವುದನ್ನು
ಗಮನಿಸಿದ *ಆಬಿದ್* ಮಲಿಹ'ಳ ಹತ್ತಿರದಿಂದ ಫರ್ಹನಾಝ್'ನ ಹತ್ತಿರ ಓಡಿದನು..
ಮಲಿಹ ಜ್ವರದಿಂದ ಮಲಗಿದ ಮೇಲೆ ಫರ್ಹನಾಝ್ ಆಬಿದ್'ನನ್ನು ಪರಿಪಾಲಿಸುತ್ತಾ ಇದ್ದಳು.. ಆದ್ದರಿಂದಲೇ ಅವಳೊಂದಿಗೆ ಆಬಿದ್ ಹೊಂದಾಣಿಕೆಯಿಂದ ಇರುತ್ತಿರುವುದು..

ಫರ್ಹನಾಝ್ *ಮಲಿಹ'*ಳನ್ನು ಹಿಡಿದು ಎದ್ದೇಳಿಸಿ ಗೋಡೆಗೆ ಒರಗಿಸಿ ನೀರು ಕುಡಿಯಲು ಹೇಳಿದಾಗ *ಮಲಿಹ* ನಿರಾಕರಿಸಿದಳು..

ಫರ್ಹನಾಝ್ ಮೂರ್ನಾಲ್ಕು ಬಾರಿ ಒತ್ತಾಯಿಸಿದರೂ *ಮಲಿಹ* ನೀರು ಕುಡಿಯಲು ಸಮ್ಮತಿಸಲಿಲ್ಲ.

*ಫರ್ಹನಾಝ್:* ಮಲಿಹಾ ನಿನಗೆ ಏನಾಯಿತು? ಯಾಕೆ ನೀನು ನೀರು ಕುಡಿಯುವುದಿಲ್ಲ.?

*ಮಲಿಹ* ತನ್ನ ಮನಸ್ಸಿನ ಅಂತರಾಳದ ಇಂಗಿತವನ್ನು ಹೊರ ಸೂಸುತ್ತಾ.. *ಫರ್ಹನಾಝ್* ನೀನು ನನ್ನ ಮಗುವಿನ ತಾಯಿಯಾಗಬೇಕು..!!ಎಂದಳು..

*ಫರ್ಹನಾಝ್:*  ಏನಿದು, ಏನು ಹೇಳುತ್ತಿರುವೆ ..?
ನೀನಲ್ಲವೇ ಇವನ ತಾಯಿ.

*ಮಲಿಹ:* ಹೌದು.. ಆದರೆ ಇಂದಿನಿಂದ ನೀನು ಅವನ ತಾಯಿ ಆಗಬೇಕು..!

ಆಗ ಫರ್ಹನಾಝ್ *ಮಲಿಹ'*ಳಿಗೆ ಜ್ವರ ತಲೆಗೆ ಹತ್ತಿ ಏನೆಲ್ಲ ಹೇಳುತಿರಬಹುದೆಂದು ಭಾವಿಸದಳು..

*ಮಲಿಹ* ಪುನಃ ಕೇಳಿದಳು.. ನೀನು ನನ್ನ ಮಗುವಿನ ತಾಯಿ ಆಗುವೆಯಾ?

*ಮಲಿಹ'*ಳನ್ನು ನೀರು ಕುಡಿಸುವ ಒಂದೇ ಉದ್ದೇಶದಿಂದ ಫರ್ಹನಾಝ್ ಹೂಂ..!ನಾನು ನಿನ್ನ ಮಗುವಿನ ತಾಯಿಯಾಗುತ್ತೇನೆ.
ನೀನು ನೀರು ಕುಡಿ.. ಎಂದು ಹೇಳಿದಳು..

*ಮಲಿಹ:* ಅದು ಸಾಕಾಗಲ್ಲ!! ಅದರ ಜೊತೆಗೆ
ನೀನು *ಮಲಿಹ* ಕೂಡ ಆಗಬೇಕು.!!

*ಫರ್ಹನಾಝ್:* ಸರಿ ನಾನು ಮಲಿಹ ಅಗುತೇನೆ. ನೀನು ನೀರು ಕುಡಿಯಬೇಕು..

ಸಮ್ಮತದ ಮಾತು ಸಿಕ್ಕಿದಾಗ *ಮಲಿಹ* ನೀರು ಕುಡಿದಳು. ತಕ್ಷಣವೇ
ಕುಡಿದ ನೀರನ್ನು *ಮಲಿಹ* ವಾಂತಿ ಮಾಡಿದಳು.

ಬಾಯಿ ತುಂಬಾ ರಕ್ತ ಬರಲು ಆರಂಭವಾಯಿತು.
ರಕ್ತ ಬಂದಿದ್ದರಿಂದ *ಮಲಿಹ* ಆಯಾಸಗೊಂಡು ಒಂದು ಬದಿಗೆ ಸರಿದು ಬಿದ್ದಳು.

*ಮಲಿಹ* ಬಿದ್ದಾಗ *ಫರ್ಹನಾಝ್* ಅವಳನ್ನು ತನ್ನ ಎದೆ ಭಾಗಕ್ಕೆ ಅಪ್ಪಿ ಹಿಡಿದು ಅವಳ ಎದೆಯನ್ನು ತಿಕ್ಕಿದಳು.
ರಕ್ತ ಬರುವುದು ನಿಲ್ಲದೇ ಹೋದಾಗ.. ಆ ರಕ್ತವನ್ನು ತನ್ನ ಕೈಯಿಂದ ಅದುಮಿ ಹಿಡಿದಳು. ಆದರೂ ನೆತ್ತರು ನಿಲ್ಲುವುದಿಲ್ಲ ಎಂದು ಅರಿತಾಗ..
ಮಲಿಹ, ಫರ್ಹನಾಝ್'ನ ಹತ್ತಿರ *"ಫರ್ಹನಾಝ್ ನೀನು ನನ್ನ ಮಗುವಿನ ತಾಯಿಯಾಗಬೇಕು. ನೀನು "ಮಲಿಹ" ಆಗಬೇಕು. ನಂತರ ನೀನು ಯಮಾಮಕ್ಕೆ ಹೋಗಬೇಕು. ಮುಸೈಲಿಮತುಸಮಾಮ'ನ ಮಗನ ಪತ್ನಿಯಾಗಿ ನೀನು ಅಭಿನಯಿಸಬೇಕು. ಮತ್ತೆ ನನ್ನ ಮಗುವಿಗೆ ಲಭಿಸಬೇಕಾದ ಎಲ್ಲಾ ಸವಲತ್ತುಗಳನ್ನು ನೀನು ಪಡೆದು ಕೊಡಬೇಕು."* ಎಂದು ಹೇಳಿದ ನಂತರ *ಮಲಿಹ* *ಫರ್ಹನಾಝ್'*ಳ ಮಡಿಲಲ್ಲಿ ಮಲಗಿ ಎಂದೆಂದಿಗೂ ಬಾರದ ಲೋಕಕ್ಕೆ ಪಯಣಿಸಿದಳು..!!

*ಫರ್ಹನಾಝ್* ಆ ಮೃತ ಶರೀರವನ್ನು  ನೆಲದಲ್ಲಿ ಮಲಗಿಸಿ ಅಕ್ರಂದದಿಂದ ಕೂಗಿಕೊಂಡು ದೂರ ಸರಿದು ನಿಂತಳು. ಯಾವ ಕಲ್ಲು ಹೃದಯವು ಕರಗಿಸುವಂತಿತ್ತು *ಫರ್ಹನಾಝ್'*ಳ
ಆ ದೃಶ್ಯ.!!

ಮರಣ ಹೊಂದಿ ಮಲಗಿರುವ..⤵

ಮುಂದುವರಿಯುವುದು..

✍ ಗಫೂರ್ ಬಾಯಾರ್
+974 6669 3010
ಸಹಾಯ: ಅಕ್ಬರ್ ಪಿ.ಎ.
🛡🛡🛡🛡🛡🛡🛡