*ರಬೀಉಲ್ ಅವ್ವಲ್ ಹನ್ನೆರಡು ನಬಿ ﷺ‎ ರವರು ವಫಾತಾದ ದಿನ, ಈ ದಿನ ದುಃಖಾಚರಣೆ ಮಾಡಬೇಕು ಎಂಬುದು ಸಲಪಿಗಳ ವಾದ. ಸರಿ, ಈ ದಿನ ಸಲಫಿಗಳು ಯಾವ ರೀತಿ ದುಃಖಾಚರಣೆ ನಡೆಸಿದ್ದೀರಿ?!*
*ಆ ಪುಣ್ಯ ಸನ್ನಿಧಿಗೆ ಯಾಸೀನ್ ಓದಿ, ತಹ್ಲೀಲ್ ಹೇಳಿ ಸ್ಮರಿಸಿ ದುಃಖ ವ್ಯಕ್ತಪಡಿಸಿದ್ದೀರಾ?! ಯಾಸೀನ್ ಓದುವುದು, ತಹ್ಲೀಲ್ ಹೇಳುವುದು, ಸ್ಮರಿಸುವುದು ಅದು ನಿಮ್ಮ ಪಾಲಿಗೆ ಬಿದ್‌ಅತ್ ಅಲ್ಲವೇ?! ಬಿಡಿ.*

*ಏನೂ ತಿನ್ನದೆ, ನಗದೆ, ಕುಶಲೋಪರಿ ನಡೆಸದೆ, ಏನೂ ಕೆಲಸಕಾರ್ಯ ಮಾಡದೆ ತೆಪ್ಪಗೆ ಕೂತು ಅಳುತ್ತ ಆಚರಿಸಿದ್ರಾ?!* *ಊಹುಂ ಅಸಾಧ್ಯ.*
*ತನ್ನ ಜನ್ಮದಿನ ಆಚರಿಸಲು ನಬಿ ﷺ‎ ರವರು ಹೇಳಿಲ್ಲ ಎಂದು ಹೇಳುವ ನಿಮಗೆ ನನ್ನ ವಫಾತ್ ದಿನ ದುಃಖಪಡಿ ಎಂದು ರಸೂಲ್ ﷺ‎ ಹೇಳಿದ್ದನ್ನು ತೋರಿಸಬಹುದೇ?!.*

*ಸ್ವಲಾತ್ ಹೇಳುವುದು ಬಿದ್‌ಅತಾ?!*
*ಸ್ವದಖಾ ರೂಪದಲ್ಲಿ ಅನ್ನದಾನ ಮಾಡುವುದು ಬಿದ್‌ಅತಾ?! ನಬಿ ಮದ್‌ಹ್ ಗೀತೆಗಳನ್ನು ಹಾಡುವುದು, ಹೇಳುವುದು ಬಿದ್‌ಅತಾ?!*
*ಮಕ್ಕಳ ನಬಿದಿನ ಹಾಡಿಗೆ, ಭಾಷಣಕ್ಕೆ ಪ್ರೋತ್ಸಾಹವಾಗಿ ಬಹುಮಾನ ವಿತರಿಸುವುದು ಬಿದ್‌ಅತಾ?!*
*ನಬಿ ﷺ‎ ರವರು ಮದ್‌ಹ್ ಗೀತೆಗಳನ್ನು ಹಾಡಲೆಂದೇ ಕ‌ಅಬ್ ಬಿನ್ ಝುಹೈರ್(ರ) ರವರಿಗೆ ಒಂದು ವೇದಿಕೆ ಮಾಡಿಕೊಟ್ಟದ್ದು ನಿಷೇಧಿಸಲು ಸಾಧ್ಯವೇ?!*
*ಕ‌ಅಬ್(ರ) ಹಾಡಿಗೆ ಮರುಳಾಗಿ ನಬಿ ﷺ‎ ತನ್ನ ಶಾಲನ್ನು ಬಹುಮಾನವಾಗಿ ಕೊಟ್ಟಿದ್ದನ್ನು ನಿಷೇಧಿಸಲು ಸಾಧ್ಯವೇ?!*

*ಇವುಗಳನ್ನಲ್ಲವೇ ಇಂದು ಸುನ್ನಿಗಳು ಮಾಡುತ್ತಿರುವುದು?* *ಮೌಲಿದ್ ಅಂದರೆ ಅವರ ಮದ್‌ಹ್ ಹೇಳುವುದೆಂದರ್ಥ ತಾನೇ?! ಇಷ್ಟೆಲ್ಲಾ ಪುರಾವೆಗಳು ಕಣ್ಣಮುಂದಿರುವಾಗ ನಬಿ ದಿನಾಚರಣೆಯನ್ನು ನಿಷೇಧಿಸಲು ಸತ್ಯವಿಶ್ವಾಸಿಗೆ ಹೇಗೆ ತಾನೆ ಸಾಧ್ಯ?! ಇಂಪಾಸಿಬಲ್.*
*ವಿರೋಧಿಸುವವರು ವಿರೋಧಿಸಲಿ. ನಾವಂತೂ ಪ್ರವಾದಿ ಮುಹಮ್ಮದ್ ﷺ‎ ರವರ ಅಪ್ಪಟ ಪ್ರೇಮಿಗಳು.*
*ಆ ಪ್ರೇಮ ಪ್ರಕಟಣೆಯನ್ನು ತಡೆಯಲು ನೀವದೆಷ್ಟು ಕುತಂತ್ರಗಳನ್ನು ಹೆಣೆದರೂ ಸಾಧ್ಯವಿಲ್ಲ.*
*ಮರ್‌ಹಬಾ ಯಾ ರಸೂಲಲ್ಲಾಃ.. ﷺ‎.*
*ಅಂತ ಹಯ್ಯುನ್ ಫೀ ಖುಲೂಬಿನಾ ಯಾ ಹಬೀಬಲ್ಲಾಃ.. ﷺ‎.*

*#ಮೀಲಾದುನ್ನಬಿ ﷺ‎.*