🐜🐜🐜🐜🐜🐜🐜🐜   
🐜 *ಇರುವೆಯ ದಾಂಪತ್ಯ*  🐜

        🖋ಅನ್ಸಾರ್ ಹುಮೈದಿ ಇರಾ ಮೂಲೆ

"ಇರುವೆಯು ಒಂದು ಅದ್ಭುತ ಜೀವಿ" ಎಂದು ಅಧ್ಯಯನ ಮಾಡಿದವರು ಹೇಳುತ್ತಾರೆ. ಸಣ್ಣ ಸಣ್ಣ ಇರುವೆಗೆ ಯಾಕಿಷ್ಟು ಬಿಲ್ಡಪ್ ಅಂತ ಕೇಳಬೇಡಿ. ಕಾರಣ ಅವುಗಳಿಗೆ ಬೇಕಾದಂತಹ ಗೂಡು ಮತ್ತು ರಸ್ತೆ ನಿರ್ಮಿಸುವ ಇಂಜಿನೀಯರುಗಳು, ಶತ್ರುಗಳಿಗೆ ಕಚ್ಚುವ ಮೂಲಕ ಪ್ರೂಟೆಕ್ಷನ್ ನೀಡುವ ಸೈನಿಕರು, ಜೀವ ಕೊಡಲು ಸಿದ್ಧವಿರುವ ಪ್ರೇಮಿಗಳು ಇದ್ದಾರೆ. 

ಇರುವೆಗಳು ಮನುಷ್ಯನಿಗೆ ಕೆಲವೊಂದು ಸಂದೇಶ ನೀಡುತ್ತದೆ.
ಅವುಗಳೆಂದರೆ -
🐜 *ಬಿಟ್ಟು ಕೊಟ್ಟು ಭಾಳು*
ಒಂದು ಇರುವೆ ಎದುರಿನಿಂದ ಬರುವ ಇರುವೆಗೆ ದಾರಿ ಬಿಟ್ಟು ಕೊಟ್ಟು ಸಂಚರಿಸುತ್ತದೆ.
ತನಗಿಂತ ಇತರರಿಗೆ ಪರಿಗಣನೆ ನೀಡುವುದು ಇರುವೆ ಗುಣವಾಗಿದೆ. ಮನುಷ್ಯನಲ್ಲಿ ಈ ಗುಣವಿರುತ್ತಿದ್ದರೆ ಅದೆಷ್ಟೋ ಕುಟುಂಬ ಆರಾಮವಾಗಿರುತಿತ್ತು. ಪತಿ ಪತ್ನಿಯರಲ್ಲಿ ವಿರಸ ಉಂಟಾದರೆ ಅವಳು ಕ್ಷಮೆ ಕೇಳಲಿ, ಅವನು ಸ್ವಾರಿ ಹೇಳಲಿ ತನ್ನ ಅಭಿಮಾನವನ್ನು ಬಿಟ್ಟು  ಕೊಡುವುದಿಲ್ಲ ಎಂಬ ಹಠಮಾರಿತನವು ಸಂಬಂಧಗಳನ್ನು ಹದಗೆಡಿಸುತ್ತದೆ. ನಾನು ಕ್ಷಮಿಸುತ್ತೇನೆ, ನನ್ನ ಹಠಸಾಧನೆಯನ್ನು ಬಿಟ್ಟು  ಬದುಕುತ್ತೇನೆಂದು ಯಾರು ಚಿಂತಿಸುವುದಿಲ್ಲ. ಇರುವೆಗಿರುವ ಕ್ಷಮಾ ಗುಣ ಮನುಷ್ಯನಿಗಿಲ್ಲ.

🐜 *ಕೂಡಿ ಬಾಳುವುದು*
ಇರುವೆ ಸಂಘ ಜೀವಿ. ಕೂಡಿ ಬಾಳುವುದನ್ನು ಇಷ್ಟಪಡುತ್ತದೆ.
ತಂದೆ ತಾಯಿಯನ್ನು  ವೃದ್ಧಾಶ್ರಮಕ್ಕೆ ತಳ್ಳಿ,  ಅಣ್ಣ ತಮ್ಮ, ಅಕ್ಕ ತಂಗಿಯರೊಂದಿಗೆ ಆಸ್ತಿಗಾಗಿ  ಕುಟುಂಬ ಸಂಬಂಧ ಮುರಿಯುವ, ಕೂಡಿ ಬಾಳುವುದನ್ನು ಇಷ್ಟಪಡದೆ  ಬೇರ್ಪಟ್ಟು  ಬದುಕುವ  ಮನುಷ್ಯನಿಗಿಂತ ಇರುವೆಯೇ ಮೇಲು.
ಹಿಂದಿನ ಕಾಲದಲ್ಲಿ ಶಾಲಾ ರಜೆಗಳಿರುವಾಗ ಅಜ್ಜಿ ಮನೆಗೆ ಸಂಬಂಧಿಕರ ಮನೆಗೆ  ಹೋಗಿ ಕಾಲ ಕಳೆಯುವ ಸಂಪ್ರದಾಯವಿತ್ತು. ಇಂದು ಅವುಗಳನ್ನು ಪಾರ್ಕುಗಳು, ಬೀಚುಗಳು ಆಕ್ರಮಿಸಿಗೊಂಡಿವೆ. ಹಿಂದೆ ಕುಟುಂಬಸ್ಥರನ್ನು ಸಂಪರ್ಕಿಸುವ ಮಾಧ್ಯಮ ಕಡಿಮೆಯಿತ್ತು. ಆದರೂ ಸಂಬಂಧ ದೃಢವಾಗಿತ್ತು. ಇಂದು ಹಲವು ಮಾಧ್ಯಮಗಳಿವೆ. ಆದರೆ ಸಂಬಂಧ ದೃಢವಾಗಿಲ್ಲ ಎಂಬುದು ವಿಷಾದನೀಯ.
🐜 *ಶಿಸ್ತು ತಾಳ್ಮೆ*
ಇರುವೆಯ ಈ ಸ್ವಭಾವದಿಂದ ಮನುಷ್ಯನಿಗೆ ಟ್ರಾಫಿಕ್ ನಿಯಮವನ್ನು ಹೇಳಿಕೊಡುತ್ತದೆ. ಇರುವೆ ಒಂದರ ಹಿಂದೆ ಒಂದರಂತೆ ಸಾಲು ಸಾಲಾಗಿ ಶಿಸ್ತಿನಿಂದ  ಸಂಚರಿಸುತ್ತದೆ. ಒವರ್ಟೇಕ್ ಮಾಡುವ ಒರಟಾದ ಗುಣ ಇರುವೆಗಿಲ್ಲ. ಭಾರತದಲ್ಲಿ  ಒಂದು ನಿಮಿಷಕ್ಕೆ ನೂರಾರು ಅಪಘಾತ ಮರಣ ಸಂಭವಿಸುವಾಗ ಕಾಲಡಿಯಲ್ಲಿರುವ ಇರುವೆ  *ಓ ಮಾನವ ನಮ್ಮನ್ನು ನೋಡಿ ಕಳಿತುಕೊ....ಅವಸರ ಬಿಟ್ಟು ಸಾವಧಾನದಿಂದ ಒಂದರ ಹಿಂದೆ ಒಂದರಂತೆ ಚಲಿಸು* ಎಂದು ಕೂಗಿ ಹೇಳುತ್ತದೆ.

🐜 *ಶ್ರಮದಿಂದ ಶೇಖರಣೆ*
ಇರುವೆ ಶ್ರಮ ಜೀವಿ. ಮಳೆಗಾಲಕ್ಕೆ ಬೇಕಾದಂತಹ ಆಹಾರವನ್ನು ಕಷ್ಟಪಟ್ಟು ತನ್ನ ತೂಕಕ್ಕಿಂತ ಭಾರವಾದೂದನ್ನು ಹೊತ್ತು ತಂದು ಶೇಖರಿಸಿಟ್ಟು ಹಂಚಿ ತಿನ್ನುವ ಗುಣ ಇರುವೆಗಳಿಗಿವೆ. ಆಲಸ್ಯತನದಿಂದ ದುಡಿಯದೆ ಅನ್ಯರ ಸಂಪತ್ತಿಗೆ ದುರಾಸೆ ಪಡುವ ಮನುಷ್ಯನು ಇರುವೆಯನ್ನು ನೊಡಿ ಪಾಠ ಕಲಿಯಬೇಕಿದೆ. 
🐜ಅಷ್ಟೇ ಯಾಕೆ ಎಲ್ಲಾದರೂ ನಾವು ಈ ಮೇಲಿನ ಇರುವೆಯ ಗುಣವನ್ನು  ಮರೆತು ಬಿಟ್ಟರೆ ಆಗಾಗ ಇರುವೆ ಕಚ್ಚಿ *ನನ್ನನ್ನು ನೋಡಿ ಬದುಕು. ನನ್ನನ್ನು ನೋಡಿ ಬದುಕು* ಎಂದು ನೆನಪಿಸುತ್ತಾ ಇರುತ್ತದೆ.

ಆದುದರಿಂದ ಒಳ್ಳೆಯದ್ದೊ, ಕೆಟ್ಟದ್ದೊ ಕೆಲವೊಮ್ಮೆಯಾದರೂ ಇರುವೆಯ ಮೇಲೆ ಒಂದು ನೋಟ ಇದ್ದೆ ಇರಲಿ.
🐜🐜🐜🐜🐜🐜🐜🐜🐜🐜