*ನೀವೂ ಕುಟುಂಬ ಸಂಬಂಧ ಕಡಿದುಕೊಂಡಿದ್ದೀರಾ?!*

ಯಾವ ನಿಮಿಷ ಕೂಡ ಮುರಿದು ಹೋಗಲಿರುವ ಪುಟ್ಟ ಜೀವನದ ಮಧ್ಯೆ ಪರಸ್ಪರ ಕೋಪ- ದ್ವೇಷಗಳನ್ನು ಸಾರುವುದರಿಂದ ನಾವು ಏನು ಪಡೆಯಲಿದ್ದೇವೆ?!!
ಒಂದು ಸಣ್ಣ ಮುಗುಳ್ನಗೆಯಿಂದಲೋ, ಒಳ್ಳೆಯ ಮಾತಿನಿಂದಲೋ ಮುಗಿಯಲಿರುವ ಪುಟ್ಟ ತಪ್ಪುಕಲ್ಪನೆಗಳನ್ನು ನಾವು ಇಂದು ದ್ವೇಷ-ದುರಾಭಿಮಾನದ ಮೂಲಕ ಮರಣದ ವರೆಗೂ ಹೃದಯದಲ್ಲಿಟ್ಟು ನಡೆಯುತ್ತಿದ್ದೇವೆ. ಇಂದು ಹಲವರು ಹಲವರೊಡನೆ ಬಾಂಧವ್ಯವನ್ನು ಕಳೆದುಕೊಂಡಿದ್ದಾರೆ. ಹೆತ್ತ ತಾಯಿಯೊಡನೆ, ಸಾಕಿ-ಸಲಹಿದ ತಂದೆಯ ಜೊತೆ, ಒಡಹುಟ್ಟಿದ ಸಹೋದರರ ಜೊತೆ, ಪವಿತ್ರ ನಿಖಾಹಿನ ಮೂಲಕ ಬಾಳಿನಲಿ ಕೈ ಜೋಡಿಸಿದ ಪತಿ/ಪತ್ನಿ ಜೊತೆ, ಜೊತೆಗೆ ಕಾಲ ಕಳೆಯುವ ಸ್ನೇಹಿತರೊಂದಿಗೆ,
ಕುಟುಂಬದವರೊಂದಿಗೆ,
ನೆರೆಹೊರೆಯವರೊಂದಿಗೆ,
ಇಷ್ಟೇ ಯಾಕೆ?! ಪರವೂರಿನಲ್ಲಿ ಒಂದೇ ರೂಮಿನಲ್ಲಿ ವಾಸಿಸುವವರ ಜೊತೆಗೆ ಕೂಡ ಸಣ್ಣ ತಪ್ಪು ಕಲ್ಪನೆಗಳ ಮುಂದಿಟ್ಟುಕೊಂಡು ದಿನಗಳು, ವಾರಗಳು, ವರುಷಗಳಂತೆ ಮಾತುಮುರಿದುಕೊಂಡು ಬಾಳುವ ಎಷ್ಟೋ ಜನರಿದ್ದಾರೆ.

ಇಲ್ಲಿ ನಾವು ಖಂಡಿತವಾಗಿಯೂ ತಿಳಿದಿರಬೇಕಾದಂತಹ ವಿಷಯವಾಗಿದೆ. ಒಬ್ಬರೊಡನೆ ದ್ವೇಷದಿಂದ ಇದ್ದು ನಾವು/ನೀವು ಮಾಡುವ ಯಾವುದೇ ಪುಣ್ಯ ಕರ್ಮಗಳನ್ನೂ ಅಲ್ಲಾಹು ಸ್ವೀಕರಿಸುವುದಿಲ್ಲಾ. ನಮ್ಮ ಇಬಾದತ್ ಗಳನ್ನು ಸ್ವೀಕರಿಸಬೇಕಾದರೆ ಬಾಂಧವ್ಯವನ್ನು ಅದರ ರೀತಿಯಲ್ಲಿ, ಅದರ ಪಾವಿತ್ರ್ಯತೆಯಲ್ಲಿ ಕೊಂಡೊಯ್ಯಲು ಸಾಧಿಸುವವರಾಗಿರಬೇಕು.
ಮದೀನಾ ಮಸೀದಿಯಲ್ಲಿ ತುಂಬಿ ತುಳುಕುತ್ತಿದ್ದ ಸ್ವಹಾಬಿಗಳ ಮಧ್ಯೆಯಿಂದ ಎದ್ದು ನಿಂತ ಮುತ್ತು ನಬಿ(ಸ.ಅ)ರ ಪ್ರಿಯ ಸ್ವಹಾಬಿ ಇಬ್ನ್ ಮಸ್ಹೂದ್ (ರ.ಅ) ಬಿಕ್ಕಿ ಅಳುತ್ತಾ ಹೇಳಿದ ವಿಷಯವಾಗಿದೆ *"ಐದಕ್ಕೆ ಬದಲಾಗಿ ಬದಲಾಗಿ ಐವತ್ತು ವಕತ್ ನಮಾಝ್ ನಿರ್ವಹಿಸಿದರೂ, ತಿಂಗಳಿಗೆ ಬದಲಾಗಿ ನೂರು ತಿಂಗಳು ಉಪವಾಸ ಅನುಷ್ಟಾನಗೊಳಿಸಿದರೂ, ಹತ್ತು ರುಪಾಯಿಗೆ ಬದಲಾಗಿ ಹತ್ತು ಕೋಟಿ ದಾನಗೈದರೂ ಭಾಂಧವ್ಯವನ್ನು ಮುರಿದುಕೊಂಡವನ ಬಳಿಯಿಂದ ಯಾವುದೇ ಇಬಾದತ್'ಗಳನ್ನು ಸ್ವೀಕರಿಸಲ್ಪಡುವುದೇ ಇಲ್ಲಾ. ಲೈಲತುಲ್ ಖದ್ರ್ ನಂತಹ ದಿನದಲ್ಲಿ ಕೂಡ ಇಬಾದತ್ ಸ್ವೀಕರಿಸಲ್ಪಡದವರಲ್ಲಿ ಒಂದು ವಿಭಾಗ ಸಂಬಂಧವನ್ನು ಮುರಿದುಕೊಂಡವರಾಗಿದ್ದಾರೆ.*
*ಪರಸ್ಪರ ಧ್ವೇಷದಿಂದ ಇದ್ದವರು ಸ್ವರ್ಗ ಪ್ರವೇಶಿಸಲಾರರು ಎಂಬ ಪ್ರವಾದಿ ನುಡಿ ಕೂಡ ಇದಕ್ಕೆ ಪುಷ್ಟಿ ನೀಡುತ್ತದೆ.*

ಒಂದು ಕ್ಷಣ ತಲೆತಗ್ಗಿಸುವುದರಿಂದಲೋ, ಒಂದು ಬಾರಿ ಕ್ಷಮಿಸುವುದರಿಂದಲೋ, ನಾವು ಏನೂ ಕಳೆದುಕೊಳ್ಳುವುದಿಲ್ಲಾ. ಆದರೆ ಲಭಿಸಲಿರುವ ಪುಣ್ಯಗಳಿಗೆ ಲೆಕ್ಕವಿಲ್ಲಾ. ಪ್ರತಿಯೊಬ್ಬರೂ ತಪ್ಪು ಮಾಡುವವರೇ ಆದರೆ ಅದನ್ನು ಅರಿತು, ಪರಸ್ಪರ ಅರ್ಥೈಸಿಕೊಂಡು ಕ್ಷಮಿಸುತ್ತಾ ಪರಸ್ಪರ ಪ್ರೀತಿಸುವುದರ ಮೂಲಕ ಸಂಬಂಧಗಳು ಪವಿತ್ರವಾಗುವುದು. ಸಂಬಂಧಗಳು ಪವಿತ್ರವಾದರೆ ಮಾತ್ರ ನಮ್ಮ ಪುಣ್ಯಕರ್ಮಗಳು ಸ್ವೀಕರಿಸಲ್ಪಡುವುದು.

*ಒಂದು ಪುಟ್ಟ ಮಗುವಿನ ಕಲ್ಮಶರಹಿತ ಮನಸ್ಸಿನಂತೆ ಕುಟುಂಬ ಸಂಬಂಧವನ್ನು ಮತ್ತು ಆತ್ಮೀಯ ಸಂಬಂಧವನ್ನು ಅದರ ಎಲ್ಲಾ ರೀತಿ-ನೀತಿಗಳೊಂದಿಗೆ ಕೊಂಡೊಯ್ಯಲು ಅಲ್ಲಾಹು ಅನುಗ್ರಹಿಸಲಿ... ಆಮೀನ್...*

    ಅನುವಾದ : *ತಾಜ್ ಪುತ್ತೂರ್*